කොටස් ආයෝජකයින්ට අනතුරු ඇඟවීමක්
ලැයිස්තුගත සමාගම් සම්බන්ධයෙන් පදනම් විරහිත කොටස් ඉඟි/ආයෝජන උපදෙස් බවට වියහැකි අදහස් දැක්වීම් ආදිය කෙටි පණිවුඩ සේවා (SMS), වෙබ් අඩවි සහ වට්ස්ඇප්, ෆේස්බුක්, ට්විටර් සහ යූටියුබ් ආදී සමාජ මාධ්ය හරහා සංසරණය වන බවට තමන් නිරීක්ෂණය කර ඇති බව ශ්රී ලංකා සුරැකුම්පත් සහ විනිමය කොමිෂන් සභාව පවසයි.
ලැයිස්තුගත සමාගම්වල කොටස් සම්බන්ධයෙන් ගනුදෙනු කිරීමට නිර්දේශ කිරීම, අපේක්ෂිත මිල ගණන් සඳහන් කිරීම සහ ලැයිස්තුගත සමාගම්වලට අදාළව නොමඟ යවන/වැරදි තොරතුරු සැපයීම සහ එවැනි කොටස්වල ගනුදෙනු කිරීමට පොළඹවන ආකාරයෙන් මෙම පණිවුඩ ආයෝජකයින් සහ සාමාන්ය ජනතාව වෙත යොමුකර ඇති බව ශ්රී ලංකා සුරැකුම්පත් හා විනිමය කොමිසම පවසයි.
මෙවැනි කටයුතු පිළිබඳව ගැඹුරින් අවධානය යොමුකර ඇති බවත් එවැනි නොමඟ යවන ආකාරයේ තොරතුරු සංසරණය කිරීමට සැලැස්වීම ආයෝජකයින්ගේ සුබ සිද්ධියට අහිතකර වනවා පමණක් නොව සුරැකුම්පත් වෙළෙඳපොළේ අවංකභාවයට ද අහිතකර ලෙස බලපාන බව සුරැකුම්පත් සහ විනිමය කොමිෂන් සභාව පැවසීය.
“මෙම සමහර පණිවිඩ ව්යාජ හා නොමඟ යවනසුළු වෙළෙඳපොළක් ඇති කිරීමක් හා සමාන වේ”.
එබැවින් කෙටි පණිවුඩ, වෙබ් අඩවි සහ සමාජ මාධ්ය හරහා සංසරණය වන එවැනි පදනම් විරහිත කොටස් ඉඟි/ආයෝජන උපදෙස් මත විශ්වාසය නොතබන ලෙස සියලුම ආයෝජකයින්ට සහ සාමාන්ය ජනතාවට මෙයින් උපදෙස් දෙනවා මෙන්ම අනතුරු අඟවන බවත් එම ආයතනය කියයි.
සුරැකුම්පත් වෙළෙඳපොළේ ගනුදෙනු කිරීමේදී නිසි අධ්යයනයක් සිදුකර ලියාපදිංචි ආයෝජන උපදේශකයින්ගෙන් උපදෙස් ලබා ගැනීමට කටයුතු කරන ලෙස සුරැකුම්පත් සහ විනිමය කොමිෂන් සභාව සියලු ආයෝජකයින්ට තවදුරටත් උපදෙස් දෙයි.
