ස්වයං රැකියාලාභීන්ට ඇමති විමල්ගෙන් පාපැදි 100ක්..
ජාතික නිදහස් පෙරමුණේ නායක, කර්මාන්ත අමාත්ය විමල් වීරවංශ මහතාගේ සුරතින් කොළඹ දිස්ත්රික් ස්වයං රැකියාලාභීන් 100කට රුපියල් ලක්ෂ 17කට අධික වටිනාකමින් යුත් පාපැදි 100ක් බෙදා දීමේ කටයුත්තක් අද (07) කඩුවෙල, නවගමුව ප්රදේශයේ දී සිදුකෙරිණි.
ස්වයං රැකියාලාභීන්ට සිය දිවි මග ජය ගැනීමට ශක්තියක් වෙමින් මෙම කටයුත්තට දායක වූ බව අමාත්ය විමල් වීරවංශ මහතා මෙහිදී පැවසීය. මෙම අවස්ථාවට කඩුවෙල නගරාධිපති බුද්ධික ජයවිලාල් මහතා ඇතුළු ජානිපෙ කොළඹ දිස්ත්රික් පළාත් පාලන මන්ත්රීවරු ද එක්ව සිටියහ.
