තවත් සයිනොෆාම් එන්නත් මාත්‍රා මිලියන 04ක් අගෝස්තු මස පළමු සතියේ මෙරටට ලැබීමට නියමිතව තිබේ.
චීනයේ පිහිටි ශ්‍රී ලංකා තානාපති කාර්යාලය නිවේදනයක් නිකුත් කරමින් පෙන්වා දෙන්නේ අදාළ එන්නත් තොගය අගෝස්තු මස 04 සහ 08 යන දින අතර ශ්‍රී ලංකාවට ලැබීමට නියමිත බවය.
ශ්‍රී ලංකා රජය විසින් මුදල් ගෙවා එම එන්නත් තොගය වෙන්කරවා ඇති අතර එකවර වැඩිම එන්නත් මාත්‍රා තොගය මෙය ලෙස සැලකේ.
ඊයේ (27) දිනයේදී චීනය විසින් පරිත්‍යාගය කරන ලද සයිනොෆාම් එන්නත් මාත්‍රා ලක්ෂ 16ක් දිවයිනයට ගෙන එනු ලැබීය.
මේ අතර ඊයේ දිනයේ ද පුද්ගලයින් 380,463 දෙනෙකු සඳහා කොවිඩ් මර්දන එන්නත් ලබාදීම සිදුකර තිබේ.
පළමු මාත්‍රාව පුද්ගලයින් 352,409 දෙනෙකු සඳහා ලබාදී ඇති අතර පුද්ගලයින් 28,054 දෙනෙකු සඳහා දෙවන මාත්‍රාව ලබාදී ඇති බව වසංගත රෝග විද්‍යා අංශය පැවසුවේය.
