රත්නපුර, රක්වාන පොලිස් ස්ථානයේ නිලධාරීන් 28 දෙනෙකුට කොවිඩ් වැලඳී ඇතැයි ගොඩකවෙල රක්වාන මහජන සෞඛ්‍ය පරික්ෂක එස්. එස් මුණවීර මහතා පවසයි.
රක්වාන පොලිස් ස්ථානයේ සේවය නියතු පොලිස් නිලධාරීන්ට සිදුකළ PCR සහ ඇන්ටිජන් පරික්ෂණවලදී ඒ බව තහවුරු වී තිබේ.
ඒ අනුව එම පොලිස් ස්ථානයේ රථ වාහන අංශයේ ස්ථානධිපති, සුළු පැමිණිලි අංශයේ ස්ථානාධිපති ඇතුළු නිලධාරීන්ට කොවිඩ් ආසාදිත බවට තහවුරු වී ඇත.
ඒ හේතුවෙන් පොලිසියේ සාමාන්‍ය රාජකාරී කටයුතුවලට බාධා පැමිණ ඇති බව “අද දෙරණ” වාර්තාකරු පැවසීය.
