දක්ෂිණ අධිවේගී මාර්ගයේ මිල්ලනිය, ගැලනිගම ප්‍රදේශයේදී සිදු වූ මෝටර් රථ අනතුරකින් එකම පවුලේ පියා සහ දියණිය මියගොස් තිබේ.
අනතුරින් තවත් පුද්ගලයින් තිදෙනෙකු තුවාල ලබා ඇති බව පොලිස් මාධ්‍ය කොට්ඨාසය පැවසුවේය.
කතරගම වන්දනාවේ ගොස් දක්ෂිණ අධිවේගී මාර්ගය ඔස්සේ මාතර සිට කොළඹ බලා ධාවනය වූ මෝටර් රථයක් වේගය පාලනය කර ගත නොහැකිව අද (15) අලුයම 1.30ට පමණ මිල්ලනිය 18 වන කිලෝමීටර් කණුව ආසන්නයේදී ආරක්ෂිත වැටෙහි ගැටීමෙන් අනතුර සිදුව තිබේ.
අනතුරින් බණ්ඩාරගම රේරුකාන ප්‍රදේශයේ පදිංචිව සිටි සිව් හැවිරිදි දියණිය සහ ඇගේ පියා යන 39 හැවිරිදි පුද්ගලයෙකු මියගොස් ඇති බව පොලීසිය පැවසුවේය.
