මෙවර ඔස්කාර් සම්මාන උළෙලේදී හොඳම නළුවා සම්මානය ජනප්‍රිය නළු විල් ස්මිත් ට හිමිවිය.
නමුත් මෙවර සම්මාන උළෙලේදී කිසිවෙක් බලාපොරොත්තු නොවූ දෙයක් සිදුවිණි.
ඒ ස්මිත් විසින් සම්මාන උළෙලේ නිවේදන කටයුතු සිදුකළ ක්‍රිස් රොක් හට පහරදීම හේතුවෙනි.
ජාත්‍යන්තර මාධ්‍ය පැවසුවේ රොක් විසින් ස්මිත් ගේ බිරිඳ වන ජාඩා පින්කට් ස්මිත් ට කළ විහිලුවක් හේතුවෙන් එම පහරදීම සිදුකර ඇති බවය.
ඇය මේ වනවිට හිසකෙස් හැලීමේ රෝගයකින් පීඩා විඳින අතර නිවේදකයා ඒ සම්බන්ධයෙන් විවිධ දේ පැවසීම විල් ස්මිත් ගේ ඉවසීමේ සීමාව ඉක්මවා යන්නට ඇතැයි සඳහන් විය.
රොක් කථාකරමින් සිටින අතර එකවරම වේදිකාවට යන විල් ස්මිත් රොක් ගේ කනට පහරදෙන අයුරු දැක්වෙන වීඩියෝව මේ වනවිට සමාජ මාධ්‍ය ඔස්සේ සංසරණය වෙමින් තිබේ.
නැවත තම ආසනය වෙත පැමිණෙමින් ස්මිත් පවසා ඇත්තේ “මගේ බිරිඳගේ නම තමුසෙගෙ කටින් ඈත් කරනවා,” යනුවෙනි.
එම සිදුවීම සම්බන්ධයෙන් ස්මිත් පසුව සමාව ඉල්ලීය.
එම සිද්ධියේ වීඩියෝ ව පහතින්…
