රට මුහුණ දී තිබෙන අර්බුදය හමුවේ රජය, විපක්ෂය මෙන්ම හවුල්කාර පාර්ශවයන් අනුගමනය කළ යුත්තේ සමාදානමය ක්‍රමවේදයක් බව ශ්‍රී ලංකා කතෝලික රදගුරු සම්මේලනය සඳහන් කරයි.
එම සම්මේලනය නිවේදනයක් නිකුත් කරමින් සඳහන් කර ඇත්තේ ගැටුම්කාරි හෝ එකිනෙකාට දොස් පැවරීමේ ප්‍රවේශයන් සිදුනොකළ යුතු බවය.
අරුත්සුන් වහසි බස් නොදොඩා සත්‍යවාදී වන ලෙසත්, කුමන කේෂ්ත්‍රයක වුවද විශේෂඥ උපදෙස් ලබාගැනීමට තරම් යථාර්ථවාදී වන ලෙසත් ශ්‍රී ලංකා කතෝලික රදගුරු සම්මේලනය සියලු පාර්ලිමේන්තු නියෝජිතයින්ගෙන් ඉල්ලීමක් කරයි.
මූල්‍යමය දුෂ්කරතාවයන්ට දැඩි ලෙස පීඩාවට පත්ව සිටින්නන් හට උපකාර කිරීම සඳහා ක්‍රියාකාරකම් සංවිධනය කරන ලෙස සියලු කතෝලික ආයතන, මීසම්, ධර්මදූත සේවාවන් සහ අනෙකුත් පෞද්ගලික ආයතන මෙන්ම සියලු දෙනාගෙන් ඉල්ලා සිටින බව ද ශ්‍රී ලංකා කතෝලික රදගුරු සම්මේලනය නිකුත් කළ නිවේදනයේ වැඩිදුරටත් දැක්වේ.
රටට අවශ්‍ය වන්නේ මෙම තීරණාත්මක තත්ත්වයට පිළියම් යෙදීම සඳහා වන කඩිනම් විසඳුමක් සහ තිරසාර සංවර්ධනයේ ශක්තිමත් පදනමක් මත රට ගොඩනැගීම සඳහා අවශ්‍ය කෙටි කාලීන හා දිගු කාලීන විසඳුම් සොයා යෑම බව ද ශ්‍රී ලංකා කතෝලික රදගුරු සම්මේලනය වැඩිදුරටත් සඳහන් කරයි.
ශ්‍රී ලංකා කතෝලික රදගුරු සම්මේලනය නිකුත් කළ සම්පූර්ණ නිවේදනය පහතින් දැක්වේ.
