මොරටුව නගරාධිපති, සමන්ලාල් ප්‍රනාන්දුගේ නිවස අසල යම් නොසන්සුන්කාරී තත්ත්වයක් ඇතිවී තිබේ.
විරෝධතාකරුවන් පිරිසක් නගරාධිපතිවරයාගේ නිවස ඉදිරිපිටට රැස්වී විරෝධතාවක් දියත් කිරීම හේතුවෙන් එම තත්ත්වය ඇතිවිය.
ගාලු පාර මොරටුව කුරුස හන්දිය ප්‍රදේශයෙන් අවහිර කරමින් විරෝධය පෑ විරෝධතාකරුවන් පසුව විල්ලෝරාවත්ත ප්‍රදේශයේ පිහිටි මොරටුව නගරාධිපතිවරයාගේ නිවස දක්වා ගමන් කර තිබුණි.
මොරටුව වඩු කාර්මිකයින් එලෙස විරෝධතාවය සංවිධානය කර තිබූ අතර එහිදී මොරටුව නගරාධිපති සමන්ලාල් ප්‍රනාන්දු මහතාගේ නිවසට ගල් ප්‍රහාර රැසක් එල්ලවී තිබුණි.
අමුද්‍රව්‍ය මිල ඉහළ දැමීම, දැව මිල ඉහළ යෑම සහ ජීවන වියදම ඉහළයාමට විරෝධය පළකරමින් විරෝධතාවය පැවැත්වුණි.
