දිවයිනපුරා වෘත්තීය සංගම් ආරම්භකර ඇති වැඩවර්ජනයට සහාය පලකරමින් කටුනායක වෙළෙඳ කලාපයේ සේවකයින් මේවනවිට කටුනායක ඇවරිවත්ත මංසන්ධියේදී විරෝධතාවක නිරත වේ.
විරෝධතාවය හේතුවෙන් එම ප්‍රදේශයේ මාර්ග රැසක් අවහිර වී ඇතැයි අප වාර්තාකරු පැවසීය.
රාජ්‍ය හා පෞද්ගලික වෘත්තිය සංගම් ආරම්භකර ඇති වැඩ වර්ජනයත් සමග මේවනවිට දිවයිනේ සෑම ප්‍රදේශයකම ව දෛනික කටුයුතු අඬාල වී ඇතැයි අප වාර්තාකරුවන් සඳහන් කළේය.
මේ අතර අප අනුරාධපුර වාර්තාකරු පැවසුවේ, නගරයේ වෙළෙඳසැල්ද මේ වන විට වසා වර්ජනයට සහාය පළකර ඇති බවය.
“ජනමතයට හිස නමනු – ආණ්ඩුව ගෙදර යනු” තේමාව යටතේ වෘත්තිය සමිති සහ බහුජන සංවිධාන එකතුව අද සංකේත වැඩවර්ජනයක් ආරම්භ කළේය.
රාජ්‍ය , අර්ධ රාජ්‍ය , පෞද්ගලික අංශය මෙන්ම වතු, ගොවි, ධීවර සහ බහුජන සංවිධානවල මෙම වැඩවර්ජනයට සහාය පළකර ඇති අතර ඒ අනුව ගුරු – විදුහල්පතිවරු, විදුලිබල, සෞඛ්‍ය, වරාය, තැපැල්, ඛනිජ තෙල්, ආර්ථික මධ්‍යස්ථාන, බැංකු, ප්‍රාදේශීය ලේකම්වරු නියෝජනය කරන වෘත්තිය සංගම් අද වැඩ වර්ජනයේ නිරත වේ.
