ගුවන් ගමන් බලපත්‍ර නිකුත් කිරීමේදී ඉතා හදිසි අවශ්‍යතාවන් සඳහා විදෙස්ගත වන අයදුම්කරුවන් ට විශේෂ එක් දින සේවාවක් ක්‍රියාත්මක බව ආගමන හා විගමන දෙපාර්තමේන්තුව පවසයි.
ඒ අනුව එම හදිසි අවශ්‍යතාවය සනාථ කරන ලියකියවිලි යොමු කිරීම සඳහා 0706 311 711 යන වට්ස්ඇප් අංකය හඳුන්වාදී තිබේ.
එම අයඳුම්කරුවන් වෙත අයදුම්පත් භාරගැනීම සඳහා කඩිනමින් දිනයක් ලබාදීම සඳහා ආගමන හා විගමන දෙපාර්තමේන්තුව කටයුතු කර ඇති බවද දැනුම්දෙයි.
මේ වනවිට රටේ පවතින කොවිඩ් වසංගත තත්ත්වය පාලනය කිරීමේ පියවරක් ලෙස හෙට (27) සිට විදෙස් ගමන් බලපත්‍ර නිකුත් කිරීම සිදුකරනු ලබන්නේ කලින් දිනයක් සහ වේලාවක් වෙන්කර ගත් අයදුම්කරුවන් සඳහා පමණක් බවද එම දෙපාර්තමේන්තුව නිවේදනයක් නිකුත් කරමින් පැවසීය.
