කොරෝනා සහ monkeypox වෛරස ව්‍යාප්තිය අතරේ වේගයෙන් ව්‍යාප්තවන තවත් වෛරසයක් පිළිබඳව චීනයෙන් වාර්තා වී තිබේ.
විදෙස් මාධ්‍ය වාර්තා කර ඇත්තේ මෙම නව වෛරසය Langya නමින් හඳුන්වන බවය.
මෙම වෛරසය ආසාදිත පුද්ගලයින් සංඛ්‍යාව මේ වනවිට 35ක් දක්වා ඉහළගොස් ඇති බව චීන ආරංචි මාර්ග උපුටා දක්වමින් විදෙස් මාධ්‍ය වැඩිදුරටත් වාර්තා කර තිබේ.
මේ දක්වා Langya වෛරසය සඳහා කිසිදු එන්නතක් හෝ ඖෂධයක් නිපදවා නොමැති බවද විදෙස් මාධ්‍ය වැඩිදුරටත් වාර්තා කර ඇත.
මෙම වෛරසයේ බලපෑමට මිනිසුන් මෙන්ම ක්ෂීරපායී සතුන්ටද එල්ලවන බව වෛරස රෝහ පිළිබඳව විශේෂඥයින් උපුටා දක්වමින් එම වාර්තා වැඩිදුරටත් සඳහන් කරයි.
එසේම Langya වෛරසය සම්බන්ධයෙන් මේ වනවිට අනාවරණය වී ඇති තොරතුරුවලට අනුව මේ හේතුවෙන් මිනිස් අක්මාව සහ වකුගඩු අඩපණ වීමේ හැකියාව වැඩි බවද එම වාර්තා සඳහන් කර ඇත.
එම වාර්තාවලට අනුව මෙම නව Langya වෛරසයේ ව්‍යාප්තිය ආරම්භ වී ඇත්තේ නැගෙනහිර චීනයෙනි.
මෙම නව වෛරසයේ රෝග ලක්ෂණ බොහෝමයක් දැකිය හැකි අතර ආසාදිතයින් බහුතරයකගෙන් තද උණ, කැස්ස, ආහාර අප්‍රිය වීම, මස්පිඩු වේදනා, කැරුකිල්ල, වමනය වැනි රෝග ලක්ෂණ දැකිය හැකි බව විදෙස් මාධ්‍ය වාර්තා වැඩිදුරටත් පවසයි.
