මනුෂ්‍ය ඝාතන දෙකකට ආධාර අනුබල දුන් පුද්ගලයින් සිව්දෙනෙක් පොලිස් විශේෂ කාර්ය බළකාය විසින් අත්අඩංගුවට ගෙන තිබේ.
අදාළ සැකකරුවන් ගනේමුල්ල සහ රාගම ප්‍රදේශයේ දී එලෙස අත්අඩංගුවට පත්ව ඇත.
ඉන් එක් පුද්ගලයෙක් හෙරොයින් මත්ද්‍රව්‍ය සහ ජීව අත්බෝම්බයක් සමග අත්අඩංගුවට ගෙන ඇත්තේ, වැලිපිල්ලැව, ගනේමුල්ල ප්‍රදේශයේ කුලී කාමරයක නවාතැන්ගෙන සිටියදීය.
එහිදී වෙනත් තැතැත්තෙකුට අයත් විදෙස් ගමන් බලපත්‍රයක්, රියදුරු ගමන් බලපත්‍රයක් සහ වෑන් රථයක් ද පොලිස් විශේෂ කාර්ය බළකාය භාරයට ගෙන ඇත.
එලෙස අත්අඩංගුවට ගත් සැකකරු බංගලාවත්ත, කඩවත ප්‍රදේශයේ පදිංචි වයස අවුරුදු 22ක පුද්ගලයකි.
අනෙක් පුද්ගලයින් තිදෙනාද හෙරොයින් මත්ද්‍රව්‍ය සමග ඇල්විටිවෙළ රාගම ප්‍රදේශයේ දී පොලිස් විශේෂ කාර්ය බළකායේ අත්අඩංගුවට පත්ව ඇත.
ඔවුන් සන්තකයේ තිබී හෙරොයින් ග්‍රෑම් 05යි මි.ග්‍රෑ. 580 ක්, ජංගම දුරකථනටක් විද්‍යත් තරාදියක් සහ යතුරු පැදියක් ද විශේෂ කාර්ය බළකාය භාරයට ගෙන ඇත.
අදාළ මෙම පුද්ගලයන් තිදෙනා රාගම ප්‍රදේශයේ පදිංචි වයස අවුරුදු 23,24 වයස්වල පසුවේ.
