Monday, November 23, 2026
HomeNEWSරනිල්, සජිත් වජිර, රාජිත, ලක්ෂ්මන්,තලතා, මනෝ එකට හමුවක්

රනිල්, සජිත් වජිර, රාජිත, ලක්ෂ්මන්,තලතා, මනෝ එකට හමුවක්

එක්සත් ජාතික පක්ෂය සහ සමගි ජන බලවේගය ඒකාබද්ධ වීම සම්බන්ධයෙන් මේ වන විට සාර්ථක සාකච්ඡා වට කිහිපයක් පැවැත්වෙමින් තිබෙන අතරතුර එක්සත් ජාතික පක්ෂයේ නායක රනිල් වික්‍රමසිංහ මහතා සහ සමගි ජන බලවේගයේ නායක සජිත් ප්‍රේමදාස මහතා අතර හමුවක් සිදුවී තිබීම විශේෂත්වයකි.හිටපු ජනාධිපති එක්සත් ජාතික පක්ෂයේ නායක රනිල් වික්‍රමසිංහ සහ විපක්ෂ නායක සජිත් ප්‍රේමදාස අතර හමුවක් ඊයේ(01) රාත්‍රී සිදුවුණා.හිටපු පාර්ලිමේන්තු මන්ත්‍රී මන්ත්‍රී සමන් රත්නප්‍රියගේ පුතාගේ විවාහ මංගල උත්සවයේදී මේ දෙදෙනා මුණගැසුණේ පිළියන්දල ප්‍රදේශයේ හෝටලයකදී.මෙම උත්සවයට හිටපු ජනාධිපතිවරයාට මෙන්ම විපක්ෂ නායකවරයාටත් ආරාධනා කර තිබුණා. ඔවුන් දෙදෙනාටම අසුන් පනවා තිබුණේ එකම මේසයකය. රනිල් වික්‍රමසිංහ සිටි මේසයට යාමට පෙර සජිත් ප්‍රේමදාස මනුෂ නානායක්කාර, සාගල රත්නායක ඇතුළු හිටපු මැති ඇමැතිවරුන් පිරිසක් සිටි මේසයට ගොස් අසුන් ගත්තා. එය දුටු රනිල් වික්‍රමසිංහ තමන් සිටි අසුනෙන් නැගිට සජිත් සහ හිටපු මැති ඇමැතිවරු අසුන්ගෙන සිටි මේසයට පැමිණියා.“ඔයාගේ යාළුවෝ ටිකත් එක්ක කතා කරලා ඉවර වෙලා අර මේසයට එන්න” රනිල් සජිත් අසලටම පැමිණ විහිළුවකුත් කළා.“ඔයා හමුවෙන්න බලාගෙන ඉන්න කෙනා අතනට වෙලා ඉන්නවානේ. ඉක්මනට එතැනට යන්න”මනුෂත් සිනාසෙමින් සජිත්ට කිව්වා.ටික වේලාවක් හිටපු මැති ඇමැතිවරුන් සමඟ කතා කරමින් සිටි සජිත් රනිල් අසලට ගියා.එක්සත් ජාතික පක්ෂයේ සභාපති වජිර අබේවර්ධන,හිටපු ඇමති දොස්තර රාජිත සේනාරත්න,මනෝ ගනේෂන්, දිගම්බරන්, චාමර සම්පත් ඇතුළු මන්ත්‍රීවරුන් පිරිසක් එම මේසයේ සිටියා.මේ අතර ලක්ෂ්මන් ෆොන්සේකා තලතා අතුකෝරළත් එතැනට කැදවාගෙන ආවා.“මේ හැංගි හැංගි ඉදලා හරියන්නේ නෑ. මෙතැනට එන්න”යැයි කියූ ලක්ෂ්මන් ෆොන්සේකා තලතා කැදවාගෙන ගොස් සජිත් අසලම පුටුවේ අසුන් ගැන්වූවා.පැයකට ආසන්න වේලාවක් රනිල් හා සජිත් මෙම මේසයේ සාකච්ඡා කරමින් සිටි අතර අනෙකුත් පිරිසද වර්තමාන දේශපාල තත්ත්වය සහ ඉදිරි ක්‍රියාමාර්ග සම්බන්ධයෙන්ද යම් යම් කාරණා මතු කරමින් මෙම සාකච්ඡාවට එක්වුණා.පක්ෂ දෙක සමගි වීම සම්බන්ධයෙන් සිදුකෙරෙන සාකච්ඡාවලට අමතරව වර්තමානයේ දේශපාලන වශයෙන් ඇති වී තිබෙන තත්ත්වයන්ද මෙහිදී සාකච්ඡා වී තිබෙන බව වාර්තාවෙනවා. විශේෂයෙන්ම නව අධ්‍යාපන ප්‍රතිසංස්කරණ , පාර්ලිමේන්තුවේ නියෝජ්‍ය මහ ලේකම්වරයාගේ වැඩ තහනම් කිරීම,ගුරු සංවර්ධන නිලධාරීන්ගේ ගැටලුව, රජයේ වෛද්‍ය නිලධාරීන්ගේ ගැටලුව, පළාත් සභා ඡන්දය දිගින් දිගටම කල් දැමීම ඇතුළු කරුණු රැසක් පිළිබඳව මෙහිදී සාකච්ඡා වී ඇති බව වාර්තාවනවා.

LEAVE A REPLY

Please enter your comment!
Please enter your name here

spot_img
spot_img
spot_img
spot_img

Must Read

අයවැයෙන් සුරංගනා ලෝක පෙන්වා පොලී අනුපාත වැඩි කර පරමානු බෝම්බයක් දැම්මා – විපක්ෂ නායක සජිත්

අයවැයෙන් සුරංගනා ලෝක පෙන්වා පොලී අනුපාත වැඩි කර පරමානු බෝම්බයක් දැම්මා - විපක්ෂ නායක සජිත් ප්‍රේමදාස මහතා අද ජීවන වියදම වැඩි වී ජීවන බර වැඩි...

සංචාරක කර්මාන්තයේ ඉදිරි සංවර්ධන සැලසුම් පිළිබඳව SLAITO සහ THASL සමඟ ඇමති විජිත සාකච්ඡාවක්

ශ්‍රී ලංකාවේ සංචාරක කර්මාන්තයේ ඉදිරි සංවර්ධන සැලසුම් පිළිබඳව SLAITO සහ THASL නියෝජිතයන් සමඟ සාකච්ඡාවක් ශ්‍රී ලංකාවේ සංචාරක කර්මාන්තය මුහුණ දෙන වත්මන් ගැටලු සහ ඒවාට විසඳුම්...

මෝටර්රථ ප්‍රවාහන දෙපාර්තමේන්තුවේ (DMT) නිල වෙබ් අඩවියට සයිබර් ප්‍රහාරයක්

මෝටර්රථ ප්‍රවාහන දෙපාර්තමේන්තුවේ (DMT) නිල වෙබ් අඩවිය ඊයේ (21) රාත්‍රියේ සයිබර් ප්‍රහාරයකට ලක්ව ඇත. ඒ හේතුවෙන් මෝටර්රථ ප්‍රවාහන දෙපාර්තමේන්තුවේ නාරාහේන්පිට කාර්යාලයට පැමිණෙනවානම් වේලාවක් වෙන්කරගෙන (Appointment)...

ඉරානය විසින් බහරේනයේ කාර්මික මධ්‍යස්ථානයකට ප්‍රහාර එල්ල කරයි

ඉරානය විසින් කාර්මික මධ්‍යස්ථානයකට එල්ල කළ ප්‍රහාරයකින් ගිනි ගැනීමක් සහ දේපළ හානි සිදුවූ බව බහරේනය පවසයි; ගල්ෆ් රාජ්‍යයේ පිහිටි අමෙරිකානු හමුදා කඳවුරු දෙකකටද ඉරානයෙන්...
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img