ප්රවේශපත් කවුළු අඟහරුවාදා සිට විවෘතයි.එංගලන්ත කණ්ඩායමේ ශ්රී ලංකා සංචාරයේදී පැවැත්වෙන තරග සඳහා ප්රවේශපත් ලබාගත හැකි කවුළු අඟහරුවාදා (20) විවෘත කෙරෙන බව ශ්රී ලංකා ක්රිකට් ආයතනය නිවේදනය කරයි.ශ්රී ලංකාව සහ එංගලන්තය අතර පැවැත්වෙන එක්දින තරග තුනකින් සමන්විත තරගාවලිය මේ මස 22 වැනි දා කොළඹ ආර් ප්රේමදාස ක්රීඩාංගණයේදී පැවැත්වෙයි. දෙපිල අතර විස්සයි 20 තරග තුනකින් සමන්විත තරගාවලිය මේ මස තිස් වැනිදා සිට පල්ලේකැලේ ක්රීඩාංගණයේදී පැවැත්වෙයි.ශ්රී ලංකා ක්රිකට් ආයතනය මූලස්ථානයේ පිහිටි ප්රවේශපත් කවුළුව දිනපතාම පෙරවරු 9.30 සිට පස්වරු 5.00 දක්වා විවෘතව පවතී. කොළඹ ආර් ප්රේමදාස ක්රීඩාංගණයේ ප්රවේශපත් කවුළුව තරග පැවැත්වෙන දිනවල පමණක් පෙරවරු 9.30 සිට පස්වරු 5.00 දක්වා විවෘතව පවතී.කෙසේ වෙතත් ඕනෑම අවස්ථාවකදී ශ්රී ලංකා ක්රිකට් ආයතනයේ නිල වෙබ් අඩවිය වන www. Srilankacricket.lk වෙත පිවිසීමෙන් ප්රවේශවත් ලබාගත හැකියි .
