කළුතර දිස්ත්‍රික්කයේ තවත් නිවාස 23කට මුල්ගල් තැබේ.
ජාතික නිවාස සංවර්ධන අධිකාරිය විසින් ක්‍රියාත්මක කරන
“තමන්ගෙම තැනක් – ලස්සන ජීවිතයක්”
නිවාස ආධාර වැඩසටහනට සමගාමීව කළුතර දිස්ත්‍රික්කයේ ඉදි කරන තවත් නිවාස 23කට මුල්ගල් තැබීම ඊයේ (12)
නිවාස, ඉදිකිරීම් සහ ජලසම්පාදන අමාත්‍ය වෛද්‍ය සුසිල් රණසිංහ මහතාගේ ප්‍රධානත්වයෙන් සිදු කෙරුණා.
මෙලෙස මුල්ගල් තබනු ලැබුවේ කළුතර දිස්ත්‍රික්කයේ පාලින්ද නුවර ප්‍රාදේශීය ලේකම් කොට්ඨාසයේ, වලකඩ ගම්මානයේ ඉදිවන නිවාස 23ක් වෙනුවෙන් වන අතර, කළුතර දිස්ත්‍රික්කයේ මෙම වසර තුළ ජාතික නිවාස සංවර්ධන අධිකාරියේ නිවාස ආධාර මත පමණක් නව නිවාස 370කට අධික ප්‍රමාණයක් ඉදි කෙරෙනු ඇත.
මෙම අවස්ථාවට ගරුතර මහා සංඝරත්නය, කළුතර දිස්ත්‍රික් පාර්ලිමේන්තු මන්ත්‍රී ධනුෂ්ක රංගනාත්, පාලින්ද නුවර ප්‍රාදේශීය සභාවේ සභාපතිතුමා, ප්‍රාදේශීය ලේකම්තුමිය, නිවාස සංවර්ධන අධිකාරියේ සභාපති අරවින්ද සිරිනාත ඇතුළු මහත්ම මහත්මීන් මෙන්ම ගම්වාසින් ද සහභාගි වී සිටියා.
2026.10.12
කළුතර – පාලින්ද නුවර
