දළඳා වහන්සේ රකින්නා වගේ නැගෙනහිර පර්යන්තය රැකීමට ඉදිරිපත් වියයුතුයි -ඇල්ලේ ගුණවංශ හිමි
දළඳා වහන්සේ රැකගන්නා මෙන් කොළඹ වරායේ නැගෙනහිර පර්යන්තය රැකගැනීමට කටයුතු කළ යුතු බව පූජ්ය ඇල්ලේ ගුණවංශ හිමියන් පවසයි.
කෙසේවෙතත් එහිදී වැඩිදුරටත් අදහස් දක්වමින් උන්වහන්සේ පවසා සිටියේ, ඉතාම සංවේගයෙන් සිටින කාලපරිච්ජේදයක් උදාවී ඇති බවය.
වැඩිදුරටත් අදහස් දැක්වු පුජ්ය ඇල්ලේ ගුණවංශ හිමි,
“ඉතාම සංවේගයෙන් ඉන්න කාලපරිච්ජේදයක්. දළඳා වහන්සේ රකින්නා වගේ නැගෙනහිර පර්යන්තය රකින්න අපි ඉදිරිපත් වියයුතුයි. මේ රට ආරක්ෂා කළේ අවුරුදු 2500ක් පැරණි පක්ෂ දෙකක්. ඒ තමයි ගිහි සහ පැවිදි කියන පක්ෂ දෙක. ඒ පක්ෂ දෙක විනාශ කළේ මේ කාලකණ්ණි දේශාපාලනය. අද ඒකේ විපාක අපි විඳිනවා. මේ එන හැම ආණ්ඩුවක් ම අමෙරිකන්කාරයා, ඉන්දියන්කාරයා, චීන රට සතුටු කරන්න මහන්සි ගන්නවා මිසක් මේ ශ්රී ලංකාවේ ජනතාව සතුටු කරන්න කවදාද මහන්සි ගන්නේ.“
කොළඹ වරායේ නැගෙනහිර පර්යන්ත යෝජනාව පිළිබඳ රට තුළ මතුව ඇති විරෝධය ඉන්දිය අග්රාමාත්ය නරේන්ද්ර මෝදි මහතාට සැලකිරීමේ අරමුණින් වරාය වෘත්තීය සමිති එකමුතුව අද (21) මෙරට ඉන්දිය මහ කොමසාරිස් කාර්යාලය වෙත සංදේශයක් රැගෙන ගියේය.
නමුත් එම මහ කොමසාරිස් කාර්යාලය සංදේශය භාර ගැනීම ප්රතික්ෂේප කර තිබුණි.
“ජාතික සම්පතක් පිළිබඳව මේ රටේ වෘත්තිකයින් භාරදෙන ලබාදෙන ලිපියක් භාර ගැනීමට අකමැති ඉන්දියාවට ලංකාවේ ආර්ථික මරමස්ථානයේ වැදගත් ම දේ ලබාදෙනවාද ?“ යනුවෙන් වරාය ඒකාබද්ධ වෘත්තිය සමිති එකමුතුවේ, ඉෂාන්ත දැල්තර ආරච්චි මහතා ප්රශ්න කර සිටියේය.
