නැව් තටාකාංගණයේ කොරෝනා ආසාදිතයින් 05ක්
මේ වනවිට කොළඹ නැව් තටාකාංගණයේ සේවකයින් 05 දෙනෙකුට කොරෝනා වෛරසය ආසාදනය වී ඇති බව යුද හමුදාපතිවරයා සඳහන් කළේය.
මීට පෙර ආසාදිතයින් කිහිපදෙනෙකු හඳුනාගත් මතුගම සිට කොළඹ බලා අධිවේගී මාර්ගයේ ධාවනය වූ බස් රථයේ සිටි ආසාදිතයෙකුගේ ආශ්රිතයින් ලෙස මෙම පිරිස හඳුනාගෙන ඇති බව යුද හමුදාපති ශවේන්ද්ර සිල්වා මහතා පැවසීය.
මේ අතර මතුගම – කොළඹ අධිවේගී මාර්ගයේ ධාවනය වන තවත් බස් රථයක සේවකයෙකු ද ඊයේ හදුනාගත් නව ආසාදිතයින් අතරට අයත් ය.
කහතුඩුව ප්රදේශයේ ඇඟලුම් කර්මාන්තශාලා සේවකයෙකු සහ ගාල්ල කරාපිටිය ප්රදේශයේ මීට පෙර හඳුනාගත් ආසාදිතයෙකුගේ ආශ්රිතයෙකු නව ආසාදිතයින් අතරට අයත්වන බව වැඩිදුරටත් අනාවරණය වී ඇත.
මේ අතර මේ වනවිට කොවිඩ් රෝගීන් 2026 දෙනෙකු රෝහල් 18ක නේවාසිකව ප්රතිකාර ලබමින් සිටින බව කොවිඩ් -19 පැතිරීම වැළැක්වීමේ ජාතික ක්රියාන්විත මධ්යස්ථානය සඳහන් කරයි.
ඒ අනුව කොවිඩ් රෝගීන් සඳහා ප්රමාණවත් රෝහල් පහසුකම් පවතින බව මහජන සෞඛ්ය පිළිබඳ නියෝජ්ය සෞඛ්ය සේවා අධ්යක්ෂ ජනරාල් වෛද්ය හේමන්ත හේරත් මහතා පැවසීය.
