කථානායක ජගත් වික්‍රමරත්න මහතාට විරෝධය පළ කරමින් විපක්ෂ නායක සජිත් ප්‍රේමදාස මහතා ඇතුළු සමගි ජන බලවේගයේ මන්ත්‍රීවරැන් පිරිසක් සහ ඇතැම් විපක්ෂයේ මන්ත්‍රීවරුන් පිරිසක් පාර්ලිමේන්තුවෙන් ඉවතට යන්නට කටයුතු කළේය.විපක්ෂයේ මන්ත්‍රීවරුන්ට අදහස් ප්‍රකාශ කිරීමට කතානායකතුමා ඉඩ ලබා නොදෙන බවත් ඊට එරෙහිව මෙම ක්‍රියාමාර්ගය ගන්නා බවත් විපක්ෂයේ මන්ත්‍රීවරුන්ටත් ආණ්ඩු පක්ෂයේ මන්ත්‍රීවරුන්ට මෙන් කතා කිරීමේ අවස්ථාව ලබා දිය යුතු බවත් විපක්ෂ නායක සජිත් ප්‍රේමදාස මහතා ප්‍රකාශ කළේය. ඊට ප්‍රතිචාර දක්වමින් සභානායක බිමල් රත්නායක අමාත්‍යවරයා ප්‍රකාශ කළේ විපක්ෂයේ මන්ත්‍රීවරුන්ට ඕනෑ තරම් කතානායකතුමා අවස්ථාව ලබා දී තිබේදිත් අනවශ්‍ය ආකාරයෙන් සභාව කරගෙන යාමට ඉඩ ලබා නොදීම අනුමත කල නොහැකි බවයි. කතානායකතුමාට අපහාසවන ආකාරයෙන් විපක්ෂයේ මන්ත්‍රීවරු කටයුතු කිරීම ගැන කණගාටු වන බවද බිමල් රත්නායක මහතා ප්‍රකාශ කළේය .කෙසේ නමුත් වාද විවාදයක් දෙපාර්ශවයෙන්ම සිදුවූ අතර අවසානයේදී කතානායකතුමාට විරෝධය පළ කරමින් සමගි ජන බලවේගයේ මන්ත්‍රීවරුන් සහ ඇතැම් විපක්ෂයේ මන්ත්‍රීවරුන් සභා ගර්භයෙන් පිටත් වීමට කටයුතු කරන ලදී.
