පාස්කු කොමිසමේ නිර්දේශ සලකා බැලීමට පත්කළ අමාත්ය අනු කමිටුව අද සහ හෙට රැස්වේ
පාස්කු කොමිෂන් සභා වාර්තාවේ නිර්දේශ සලකා බැලීම සඳහා ජනාධිපතිවරයා විසින් පත්කෙරුණු අමාත්ය අනු කමිටුව අද (23) සහ හෙට (24) රැස්වීමට නියමිතය.
එහි සභාපති චමල් රාජපක්ෂ මහතාගේ ප්රධානත්වයෙන් පාර්ලිමේන්තු සංකීර්ණයේදී එම අනු කමිටුව රැස්වේ.
කොමිෂන් සභා වාර්තාව මඟින් විවිධ ආයතනවලට අදාළව කරනු ලැබී ඇති නිර්දේශ ක්රියාත්මක කරන ආකාරය පිළිබඳව කරුණු සොයාබැලීම එම කමිටුවට පැවරුණු ප්රධාන වගකීමය.
මේ සම්බන්ධයෙන් අදහස් පළකළ කමිටු සාමාජික අමාත්ය ප්රසන්න රණතුංග මහතා ප්රකාශ කළේ, එම දෙදින සාකච්ඡාවලින් පසුව අවසන් වාර්තාව ජනාධිපති ගෝඨාභය රාජපක්ෂ මහතාට භාර දීමට බලාපොරොත්තු වන බවය.
