පාස්කු වාර්තාවෙන් තමන් ගැන කර ඇති නිර්දේශ ක්රියාත්මක කරන්නැයි ඉල්ලා බදියුදීන් අල්ලස් කොමිසමට
පාස්කු ප්රහාරය පිළිබඳ විමර්ශනය කළ ජනාධිපති කොමිසම තමන් සම්බන්ධයෙන් ආරම්භ කිරීමට නිර්දේශකර ඇති විමර්ශනය කඩිනම් කරන්නැයි රිෂාඩ් බදියුදීන් මන්ත්රීවරයා ඉල්ලීමක් කරයි.
ඔහු එම ඉල්ලීම කරනු ලැබුවේ අද (08) අල්ලස් හෝ දූෂණ චෝදනා විමර්ශන කොමිෂන් සභාවට ඉල්ලීමක් ඉදිරිපත් කරමිනි.
සමගි ජන බලවේගයේ පාර්ලිමේන්තු මන්ත්රී රිෂාඩ් බදියුදීන් මහතා අල්ලස් හෝ දූෂණ චෝදනා විමර්ශන කොමිෂන් සභාවට අද දහවල් පැමිණ සිය ඉල්ලීම ලිඛිතව ඉදිරිපත් කළේය.
පාස්කු ඉරුදින සිනමන් ග්රෑන්ඩ් හෝටලය තුළ මරාගෙන මැරෙන බෝම්බ ප්රහාරයක් එල්ලකර මියගිය ඉන්සාෆ් අහමඩ්ට අයත් “කෝලෝසස්” නමැති පෞද්ගලික සමාගම වෙත එවකට විෂය භාර අමාත්ය රිෂාඩ් බදියුදීන් මහතා යටතේ පැවති කාර්මික සංවර්ධන මණ්ඩලය විසින් සම්මතයන්ට පටහැනිව තඹ ඇතුළු අබලි ද්රව්ය නිදහස් කිරීම සම්බන්ධයෙන් විමර්ශනයක් ආරම්භ කළයුතු බවට පාස්කු ප්රහාරය විමර්ශනය කළ ජනාධිපති කොමිසම නිර්දේශකර තිබේ.
අල්ලස් හෝ දූෂණ චෝදනා විමර්ශන කොමිසම විසින් අදාළ විමර්ශනය සිදුකරන ලෙසට ද නිර්දේශකර ඇති අතර, එය කඩිනම් කරන්නැයි ඉල්ලා මන්ත්රීවරයා මෙම ඉල්ලීම අද ඉදිරිපත් කළේය.
