Monday, November 23, 2026
HomeNEWSපේරාදෙණිය සරසවි සිසුන් පිරිසකට බෝතල් ප්‍රහාරයක්.. තිදෙනෙකු රෝහලේ

පේරාදෙණිය සරසවි සිසුන් පිරිසකට බෝතල් ප්‍රහාරයක්.. තිදෙනෙකු රෝහලේ

පේරාදෙණිය විශ්වවිද්‍යාලය ආසන්නයේ උඩපේරාදෙණිය ප්‍රදේශයේදී විශ්වවිද්‍යාලීය සිසුන් පිරිසක් හා ප්‍රදේශවාසි තරුණයින් පිරිසක් අතර ඇතිවූ ගැටුමකින් තුවල ලත් සිසුන් තිදෙනෙකු ප්‍රතිකාර සඳහා මහනුවර සහ පේරාදෙණිය රෝහල් වලට ඇතුළත් කර තිබේ.තුවාල ලබා රෝහල් ගත කළ සිසු පිරිස අතර පේරාදෙණි විශ්ව විද්‍යාලයේ මහා ශිෂ්‍ය සංගමයේ හිටපු සභාපති රජිත මලලසේකර සිසුවාද සිටින බව පොලිසිය පවසයි. මහා ශිෂ්‍ය සංගමයේ හිටපු සභාපතිවරයා පශු වෛද්‍ය පීඨ ශිෂ්‍ය සංගමයේ හිටපු සභාපතිවරයා ඇතුළු සිසු සිසුවියන් අට දෙනකු සමග දිය නෑම සඳහා උඩ පේරාදෙNiයේ පිහිටි පේරාදෙණිය විශ්ව විද්‍යාලයට අයත් ඌරු කොටුව ආසන්නයේ ඇති දිය ඇල්ලක් වෙත පෙරේදා (16) පස්වරුවේ ගොස් ඇත.සිසු පිරිස දිය නාමින් සිටියදී ප්‍රදේශවාසී තරුණයින් සිව් දෙනකු එම ස්ථානයට පැමිණ විශ්වවිද්‍යාලීය සිසුවියන්ට උසුළු විසුළු කිරීමේ සිද්ධියක් මුල් කර ගනිමින් මෙම ගැටුම ආරම්භ වී තිබෙන බව පොලිස් පරීක්ෂණ මගින් අනාවරණය වී ඇත.සිසුවියන්ගේ දැනුම් දීම මත පශු වෛද්‍ය පීඨයේ තවත් සිසුු පිරිසක්ද එම ස්ථානයට පැමිණීමත් සමග ප්‍රදේශවාසී තරුණයින් සිව් දෙනා බිඳින ලද බෝතල් වලින් ඔවුන්ට පහර දී තිබෙන බව වාර්තාවේ.තුවාල ලබා පේරාදෙණිය ශික්ෂණ රෝහලට ඇතුළත් කර සිසුන් තිදෙනා අතරින් බරපතළ කැපුම් තුවාල ලබා සිටි එක් සිසුවෙකු වැඩිදුර ප්‍රතිකාර සඳහා මහනුවර ජාතික රෝහලට ඇතුළත් කර තිබේ.එම සිසුවාගේ ශරීරයේ ස්ථාන ගණනාවක කැපුම් තුවාල සිදුව තිබීම හේතුවෙන් සැත්කමක් මගින් එම තුවාල වලට මැහුම් 37 ක් යෙදීමට වෛද්‍යවරු පියවර ගෙන ඇත.පශු වෛද්‍ය පීඨයේ සිසුන් විසින් කරන ලද පැමිණිල්ලකට අනුව පරීක්ෂණ කළ පේරාදෙණිය පොලිසිය සිද්ධිය සම්බන්ධයෙන් පහරදීම සිදුකළ බව කියන තරුණයින් සිව් දෙනා සැකපිට අත්අඩංගුවට ගෙන ඇත.ඔවුන් මහනුවර මධ්‍යම වෙළෙඳ පොළේ වෙළෙඳාම් කරන්නන් බව පොලීසිය පවසයි.සිද්ධිය සම්බන්ධයෙන් පේරාදෙණිය පොලිසිය වැඩිදුර විමර්ශනසිදු කරයි.

LEAVE A REPLY

Please enter your comment!
Please enter your name here

spot_img
spot_img
spot_img
spot_img

Must Read

අයවැයෙන් සුරංගනා ලෝක පෙන්වා පොලී අනුපාත වැඩි කර පරමානු බෝම්බයක් දැම්මා – විපක්ෂ නායක සජිත්

අයවැයෙන් සුරංගනා ලෝක පෙන්වා පොලී අනුපාත වැඩි කර පරමානු බෝම්බයක් දැම්මා - විපක්ෂ නායක සජිත් ප්‍රේමදාස මහතා අද ජීවන වියදම වැඩි වී ජීවන බර වැඩි...

සංචාරක කර්මාන්තයේ ඉදිරි සංවර්ධන සැලසුම් පිළිබඳව SLAITO සහ THASL සමඟ ඇමති විජිත සාකච්ඡාවක්

ශ්‍රී ලංකාවේ සංචාරක කර්මාන්තයේ ඉදිරි සංවර්ධන සැලසුම් පිළිබඳව SLAITO සහ THASL නියෝජිතයන් සමඟ සාකච්ඡාවක් ශ්‍රී ලංකාවේ සංචාරක කර්මාන්තය මුහුණ දෙන වත්මන් ගැටලු සහ ඒවාට විසඳුම්...

මෝටර්රථ ප්‍රවාහන දෙපාර්තමේන්තුවේ (DMT) නිල වෙබ් අඩවියට සයිබර් ප්‍රහාරයක්

මෝටර්රථ ප්‍රවාහන දෙපාර්තමේන්තුවේ (DMT) නිල වෙබ් අඩවිය ඊයේ (21) රාත්‍රියේ සයිබර් ප්‍රහාරයකට ලක්ව ඇත. ඒ හේතුවෙන් මෝටර්රථ ප්‍රවාහන දෙපාර්තමේන්තුවේ නාරාහේන්පිට කාර්යාලයට පැමිණෙනවානම් වේලාවක් වෙන්කරගෙන (Appointment)...

ඉරානය විසින් බහරේනයේ කාර්මික මධ්‍යස්ථානයකට ප්‍රහාර එල්ල කරයි

ඉරානය විසින් කාර්මික මධ්‍යස්ථානයකට එල්ල කළ ප්‍රහාරයකින් ගිනි ගැනීමක් සහ දේපළ හානි සිදුවූ බව බහරේනය පවසයි; ගල්ෆ් රාජ්‍යයේ පිහිටි අමෙරිකානු හමුදා කඳවුරු දෙකකටද ඉරානයෙන්...
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img