පොහොට්ටුවට ලබාදී ඇති විශිෂ්ට ජනවරමට ගරු කරන බව එජාපයේ වජිර අබේවර්ධන කියයි.
2020 පාර්ලිමේන්තු මහ මැතිවරණයේ දී රජයට අති බහුතර ජන බලයක් ලබාදී තිබෙන බවත් එම ජනතා තීන්දුවට හිස නමා ගරු කරන බවත් එක්සත් ජාතික පක්ෂයේ හිටපු පාර්ලිමේන්තු මන්ත්රී වජිර අබේවර්ධන මහතා අද සවස ගාල්ලේ දී මාධ්ය හමුවක් පවත්වමින් ප්රකාශ කළේය. විපක්ෂයේ සියලුම පක්ෂ ල ඡන්ද එක්කල ද රජය ලබාගෙන තිබෙන ජයග්රහණයට ළඟා විය නොහැකි බවත් අති බහුතර බලයක් හිමිකරගත් රජය සිදුකරන කටයුතු ගැන හොඳ අධීක්ෂණයකින් සිටින බවත් වජිර අබේවර්ධන මහතා ප්රකාශ කරයි. එක්සත් ජාතික පක්ෂයේ නායකත්වය වෙනස් කළ යුතු නොවන බවත් ජනාධිපතිවරණයේදීද එක්සත් ජාතික පක්ෂයේ අපේක්ෂකයා මිලියන ගණනකින් පරාජය වූ බවත් වජිර අබේවර්ධන මහතා පෙන්වා දෙයි. එක්සත් ජාතික පක්ෂයේ ප්රති සංස්කරණයට වඩා සිදු කළ යුත්තේ නීති රීති තදින් ක්රියාත්මක කිරීම බවත් පරාජය යනු ජයග්රහණයේ මාවත යැයි සිතා ඉදිරියට කටයුතු කරන බවත් වැඩිදුරටත් අදහස් දැක්වූ හිටපු පාර්ලිමේන්තු මන්ත්රී වජිර අබේවර්ධන මහතා ප්රකාශ කළේය.
