යාපනයේදී බස් රථයක් දුම්රියේ ගැටීමෙන් සිදුවූ අනතුරකින් පුද්ගලයෙකු ජීවිතක්ෂයට පත්ව තිබේ.
පොලීසිය සඳහන් කළේ මෙලෙස මියගොස් ඇත්තේ එම බස් රථයේ රියදුරු බවය.
යාපනය, අරියාලේ පුන්කම්කුලම් ප්‍රදේශයේදී මෙම අනතුර සිදුව ඇත.
යාපනය සිට කොළඹ දක්වා ධාවනය වූ නගරාන්තර සීඝ්‍රගාමි දුම්රියේ එම බස් රථය ගැටීමෙන් මෙම අනතුර සිදුව තිබේ.
අනතුරින් බස් රථයේ රියදුරු එම ස්ථානයේදීම මියගොස් තිබේ.
තවත් පිරිසක් තුවාළ ලබා ප්‍රතිකාර සඳහා යාපනය රෝහලට ඇතුළත් කර ඇති බව පොලීසිය පවසයි.
