රට තුළ පවතින දේශපාලන අර්බුදය විසඳීමට තම පාර්ශ්වය පැය 24 තුළම වෙහෙසෙන බැවින් එතෙක් ඉවසීමෙන් කටයුතු කරන ලෙස පාර්ලිමේන්තු මන්ත්‍රී, ආචාර්ය හර්ෂ ද සිල්වා මහතා මහ බැංකු අධිපතිවරයාගෙන් ඉල්ලයි.
මන්ත්‍රීවරයා මෙම ඉල්ලීම සිදුකළේ සති දෙකක කාලයක් තුළ දේශපාලන අර්බුදය නොවිසඳුනහොත් තමන් ධූරයෙන් ඉල්ලා අස්වන බවට මහ බැංකු අධිපති, ආචාර්ය නන්දලාල් වීරසිංහ මහතා ඊයේ (11) කළ ප්‍රකාශයට ප්‍රතිචාර දක්වමින්.
සමගි ජන බලවේගයේ පාර්ලිමේන්තු මන්ත්‍රී, ආචාර්ය හර්ෂ ද සිල්වා මහතා,
“මහ බැංකු අධිපතිවරයා කිව්වා ආර්ථිකය අසාධ්‍ය තත්ත්වයේ තියෙන්නේ කියලා. ඒ වගේම ඔහු ඉල්ලා අස්වෙන්නත් යනවා කියලා අනතුරු ඇඟෙව්වා. මහ බැංකු අධිපතිවරයාට මට කියන්න තියෙන්නේ… කරුණාකරලා ඔබතුමා ඉවසීමෙන් වැඩ කරන්න. අපි පැය 24ම උත්සාහ කරනවා මේ දේශපාලන අර්බුදයට විසඳුමක් හොයන්න.”
