ශ්‍රී ලංකා මානව හිමිකම් කොමිෂන් සභාවේ විශේෂ රැස්වීමක් අද (04) දිනයේ පැවැත්වීමට නියමිතව තිබේ.
දැනට රට තුළ මතුව ඇති අර්බුදකාරී වාතාවරණය සම්බන්ධයෙන් සිදුකෙරෙන උද්ඝෝෂණවලට හදිසි නීතිය පැනවීම සම්බන්ධයෙන් සාකච්ඡා කිරීම සඳහා එම රැස්වීම පැවැත්වීමට නියමිත බව වාර්තා වෙයි.
මීට අමතරව දැනට මතුව ඇති ගැටලු කිහිපයක් සම්බන්ධයෙන් ද මෙහිදි සාකච්ඡා කිරීමට නියමිතව තිබේ.
පසුගිය දින කිහිපය තුළ සිදුවූ ඇතැම් සිද්ධීන් සම්බන්ධයෙන් ශ්‍රී ලංකා මානව හිමිකම් කොමිසම සිය මතය ඉදිරිපත් කළ අතර අත්අඩංගුවේ සිටින පුද්ගලයින් සම්බන්ධයෙන් පොලීසිය ක්‍රියාකරන ආකාරය පිළිබදව දැඩි අවධානයකින් පසුවන බව ද ඔවුන් පවසයි.
මේ සම්බන්ධයෙන් ඉදිරියේ දී ගත යුතු ක්‍රියාමාර්ග පිළිබදව අද දිනයේ දී සාකච්ඡාවට ලක්කිරීමට නියමිත බව මානව හිමිකම් කොමිසමේ ප්‍රකාශකයෙකු සඳහන් කළේය.
මේ අතර පොලිස්පති සී.ඩි.වික්‍රමරත්න මහතා හෙට (05) දිනයේ දී මානව හිමිකම් කොමිසම හමුවට කැඳවා තිබේ.
පසුගියදා මිරිහාන ප්‍රදේශයේ දී ඇති වු සිද්ධිය සහ අනුරාධපුර ප්‍රදේශයේ දී ඇති වු සිද්ධියකට අදාළව කරුණු විමසීම සඳහා පොලිස්පතිවරයා මෙලෙස කැඳවා ඇති බව වාර්තා වේ.
