යුද හමුදාපති ජනතාවගෙන් කළ ඉල්ලීම
එළඹෙන උත්සව සමයේ දී සෞඛ්ය මාර්ගෝපදේශ දැඩි ලෙස අනුගමනය කරන ලෙස යුද හමුදාපති, ජෙනරාල් ශවේන්ද්ර සිල්වා මහතා ජනතාවගෙන් ඉල්ලීමක් කරයි.
එහිදී ඔහු ඉල්ලා සිටින්නේ මුඛ ආවරණ පැළඳීම ද නිසිලෙස සිදුකරන ලෙසය.
මේ අතර එළඹෙන උත්සව සමය තුළ රට වසා තැබීමක් හෝ සංචරණ සීමා පැනවීමක් කිසිසේත්ම සිදු නොවන බව සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා පැවසීය.
කෙසේවෙතත් අලුත් අවුරුදු සමය තුළ ජනතාව සෞඛ්ය ආරක්ෂිත ක්රමවේද අනුගමනය කරමින් කටයුතු කළයුතු බවද ඔහු පැවසීය.
අද (10) පෙරවරුවේ කොළඹ පැවති උත්සවයකින් අනතුරුව මාධ්ය වෙත අදහස් දක්වමින් සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා ඒ බව සඳහන් කළේය.
එන්නත්කරණ වැඩසටහනේ දෙවන මාත්රාව ලබාදීමේ කටයුතු පිළිබඳව එළඹෙන සඳුදා දිනයේ එන්නත් කමිටුව රැස් වී සාකච්ඡා කරන බවද ඔහු පැවසීය.
මේ අතර අලුත් අවුරුද්ද වෙනුවෙන් කොළඹ සිට ගම්බිම් බලා යන පුද්ගලයින්ට අධිවේගි මාර්ග පිවිසුම්වලදී ක්ෂණික ප්රතිදේහජනක පරීක්ෂණ සිදුකිරීම අද (10) ආරම්භ කෙරුණි.
සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා සඳහන් කළේ එම පරීක්ෂණ සිදුකරන ස්ථාන පිළිබඳව මෙවර අනාවරණය නොකරන බවය.
“රැපිඩ් ඇන්ටිජන් පරීක්ෂණ අපි මේ පාරත් අහඹු ලෙස සිදුකරනවා. ඒ ස්ථාන අපි මාධ්ය මගින් හෙළි කළොත් එම ස්ථාන මගහැර වෙනස් ස්ථානවලින් යන්න බලනවා. ගිය පාරත් අපි ඒක දැක්කා.”
