රාජ්‍ය සේවයේ තනතුරුවලට බඳවා ගැනීමේ තරඟ විභාග සඳහා අයඳුම්පත් කැඳවීමේ අවසන් දිනය දීර්ඝ කර තිබේ.
ඒ අනුව අයඳුම්පත් භාරගන්නා අවසන් දිනය 2021 ජූලි මස 15 ලෙස දැනුම් දී ඇත.
නිවේදනයක් නිකුත් කරමින් රාජ්‍ය සේවා කොමිෂන් සභාවේ, ලේකම් එම්.ඒ.බී දයා සෙනරත් මහතා මේ බව සඳහන් කර තිබේ.
එම කාලය පහත සඳහන් තරඟ විභාගයන් සඳහා අදාළ වේ.
1. ශ්‍රී ලංකා විදේශ සේවයේ iiiශ්‍රේණියට බඳවා ගැනීමේ විවෘත තරඟ විභාගය. 2020 (2021)
2.ඉඩම් පරිහරණ ප්‍රතිපත්ති සැලසුම් දෙපාර්තමේන්තුවේ විධායක සේවා ගණයේ දෙපාර්තමේන්තු ගත iiiශ්‍රේණියේ සහකාර අධ්‍යක්ෂ (දිස්ත්‍රික් ඉඩම් පරිහරණය) තනතුර සඳහා වන සීමිත තරඟ විභාගය. 2018 (2021)
3. වෙළෙඳ අමාත්‍යාංශයයේ වාණිජ දෙපාර්තමේන්තුවේ විධායක සේවා ගණයේ iiiශ්‍රේණියේ සහකාර වාණිජ අධ්‍යක්ෂ තනතුර සඳහා බඳවා ගැනීමේ විවෘත තරඟ විභාගය. – 2021
4.කුසලතා පදනම මත කළමනාකරණ සේවා නිලධාරී සේවයේ අධි ශ්‍රේණියට උසස් කිරීමේ තරඟ විභාගය. 2019(2020)
5.කළමනාකරණ සේවා නිලධාරී සේවයේ අධි ශ්‍රේණියට උසස් කිරීමේ සීමිත තරඟ විභාගය. 2019(2020)
