ශ්රී ලංකාවට අයත් අභ්යවකාශ සීමාව රාජපක්ෂ ආණ්ඩු යුගයේ වෙනත් රටකට ලබා දී ඇති බව අමාත්ය වසන්ත සමරසිංහ මහතා සඳහන් කරයි.එය සමාගමට පමණක් ලබා දී ඇති බවත් ඒ සඳහා කිසිදු ටෙන්ඩර් කැඳවීමක් සිදු කර නැති බවත් හෙතෙම චෝදනා කළේය.රෝහිත රාජපක්ෂ මහතා සම්බන්ධ වී 2012 වසරේ ගුවන්ගත කරන ලද චන්ද්රිකාව සම්බන්ධයෙන් අදහස් පළ කරමින් ජන හමුවකදී අමාත්යවරයා මේ බව කියා සිටියේය.“අභ්යවකාශයට සැටලයිට් එකක් යවන්න රටක් විදිහට අපට අයිතියක් තියෙනවා. ඒකෙන් තමයි තොරතුරු බෙදා හැරීමේ සන්නිවේදන ක්රියාවලියට සහය වෙන්නේ. 2012 මැයි මාසේ මේ රොකට් එක යවලා තියෙනවා. කොම්පැනිය හදලා තියෙන්නේ මැයි මාසේ.අද ඇමරිකාවේ බෝයිං ප්ලේන් එකක් ඕඩර් කළොත් අපට ලැබෙන්නේ අවුරුදු 12කින්. මාස පහකින් මේ කම්පැනිය රොකට් එකක් යවනවා. රොකට් එකේ දාලා සල්ලි ටික යැව්වා ද දන්නෑ. එව්වා කියන්න බෑ.
