විදුලිසැර වැදීමෙන් මිය ගිය වනඅලින් දෙදෙනෙකුගේ සිරුරු මැදිරිගිරිය, දහම්වැව ප්රදේශයේ වගාබිමක තිබී හමුව තිබේ.
වගාබිම ආරක්ෂා කිරීම සඳහා පුද්ගලයෙකු විසින් ඇද තිබූ අනාරක්ෂිත විදුලි රැහැනක ගැටී අද (30) අලුයම එම වනඅලි දෙදෙනා මියගොස් ඇති බව “අද දෙරණ“ වාර්තාකරු පැවසීය.
එලෙස මියගොස් ඇත්තේ කවුඩුල්ල රක්ෂිතයේ සැරිසැරූ වයස අවුරුදු 20ත් 30ත් අතර වු වන අලියෙකු සහ කෙනෙරකි.
මියගිය වනඅලි දෙදෙනාගේ පශ්චාත් මරණ පරික්ෂණ අද ගිරිතලේ වනජීවි පශූ වෛද්ය ඒකකය විසින් සිදුකිරීමට නියමිතය.
අලීන් දෙදෙනාගේ මරණය සම්බන්ධයෙන් අදහස් දක්වමින් ගම්වාසින් පවසා සිටියේ,
“මේ අලි දෙන්නා මැරෙන්නේ නැහැනේ එදා ජනාධිපතිතුමා ආපු වෙලාවේ කිව්වා මේ අලි ටික එළවලා වැට ගහලා සකස් කරන්න කියලා. ඒ නිසා සම්පූර්ණ වැරැද්ද වනජීවි නිලධාරීන්ගේ.“ යනුවෙනි.
