විදේශිකයින්ට සංචාරය කිරීමට ඇති ආරක්ෂාකාරි සහ සුදුසුම රට බවට ශ්රී ලංකාව පත්කරනවා……
කොවිඩ් අවදානම පහව ගිය පසු විදේශිකයින්ට සංචාරය කිරීම සඳහා තිබෙන ආරක්ෂාකාරි සහ සුදුසුම රට බවට ශ්රී ලංකාව පත්කරනවා යැයි ශ්රී ලංකා පොදුජන පෙරමුණේ නායක අග්රාමාත්ය මහින්ද රාජපක්ෂ මහතා පවසයි.
කළුතර දිස්ත්රික්කයේ, අගලවත්ත ප්රදේශයේ අද(2020.07.10) පැවති හමුවක් අමතමින් අග්රාමාත්යවරයා මේ බව සඳහන් කළේය.
කොවිඩ් වසංගතය පාලනය කිරීම සඳහා ජනාධිපතිවරයා ඇතුළු රජය ගෙන යන වැඩපිළිවෙළ සඳහා සහයවීම ජනතාවගේ වගකීමක් බව සඳහන් කළ අග්රාමාත්යවරයා සෞඛ්ය අංශ විසින් ලබාදී තිබෙන නීතිරීති අනුව කටයුතු කරන ලෙස ද සිහිපත් කළේය.
හැටනම ලක්ෂයක මනාපයෙන් අනුමත කෙරුණු සෞභාග්යයේ දැක්ම ප්රතිපත්ති මාලාව ක්රියාවට නැංවීම සඳහා ජනාධිපතිවරයාට අවශ්ය සහය ලබාදීය හැකි ආකාරයේ පාර්ලිමේන්තුවක් බිහිකිරීම ජනතාවගේ යුතුකමක් බව ද මෙහිදී අග්රාමාත්යවරයා අවධාරණය කළේය.
ජනතාවගේ ජීවිත ආලෝකමත් කළ හැකි ආකාරයේ සංවර්ධන සැලැස්මක් ක්රියාත්මක කිරීමේ හැකියාව ඇත්තේ ශ්රී ලංකා පොදුජන පෙරමුණට පමණක් බව ද අග්රාමාත්යවරයා එහිදී වැඩිදුරටත් සඳහන් කළේය.
