සජිත්ට වඩා රනිල් එක මනාපයක් හරි වැඩියෙන් ගන්නවා…. තෙවරප්පෙරුම මන්ත්‍රී ධූරය ඔට්ටුවට තබයි.
මෙවර පාර්ලිමේන්තු මහ මැතිවරණයේදී කොළඹ දිස්ත්‍රික්කය නියෝජනය කරමින් තරග වදින එක්සත් ජාතික පක්ෂයේ නායක හිටපු අග්‍රාමාත්‍ය රනිල් වික්‍රමසිංහ මහතා සමගි ජනබලවේගයේ නායක සජිත් ප්‍රේමදාස මහතාට වඩා එක් මනාප ඡන්දයක් හෝ ලබාගන්නා බව එක්සත් ජාතික පක්ෂයේ කළුතර දිස්ත්‍රික් අපේක්ෂක පාලිත තෙවරප්පෙරුම මහතා ප්‍රකාශ කරයි. කොළඹ දිස්ත්‍රික්කය තුළ සිටින්නේ බුද්ධිමත් ජනකොටස් බවත් එම නිසා සජිත් ප්‍රේමදාස මහතාට වඩා ුද්ධිමය පැත්තෙන් බොහෝ ඉදිරියෙන් සිටින රනිල් වික්‍රමසිංහ මහතාට වැලි ඡන්දයක් හිමිවන බව ස්ථිර යයිද පාලිත තෙවරප්පෙරුම මහතා ප්‍රකාශ කළේය. ඒ බව කෙතරම් තමන්ට විශ්වාස යයි ප්‍රකාශ කර තෙවරප්පෙරුම මහතා කියා සිටියේ ඕන නම් ඒ ඔට්ටුවකට තබා තමන්ගේ මන්ත්‍රීධූරය එම ඔට්ටුවට ඇල්ලීමට තමන් සූදානම් බවයි.ඒ මහතා මේ බව ප්‍රකාශ කළේ කළුතර දිස්ත්‍රික්කයේ පැවති රැස්වීමකට සහභාගි වෙමින් ය.
