දිස්ත්රික්ක 20කින් හඳුනාගත් ආසාදිතයෝ
ඊයේ (28) දිනයේ දී හඳුනාගත් ආසාදිතයින් වැඩිම පිරිසක් කොළඹ දිස්ත්රික්කයෙන් වාර්තා වී තිබේ. ඒ ආසාදිතයින් 298ක් ලෙසය.
ඊයේ මෙරටින් කොවිඩ් ආසාදිතයින් 892ක් හඳුනාගත් අතර ඉන් 40 දෙනෙකු විදේශගතව සිට මෙරටට පැමිණි දේශීය පුද්ගලයින් වන බව කොවිඩ් – 19 පැතිරීම වැළැක්වීමේ ජාතික ක්රියාන්විත මධ්යස්ථානය පවසයි.
කොළඹ දිස්ත්රික්කයේ වැඩිම ආසාදිතයින් පිරිසක් කොම්පඤ්ඤවීදියෙන් හා මට්ටක්කුලියෙන් වාර්තා වී තිබේ.
මීට අමරතව කොටුව, බොරැල්ල, මරදාන, ග්රෑන්ඩ්පාස්, මොරටුව හා කොළඹ නගර සීමාවෙන් හමුව තිබේ.
මේ අතර ගම්පහ දිස්ත්රික්කයෙන් ද ඊයේ ආසාදිතයින් 203 දෙනෙක් හමුව තිබුණි.
ඉන් වැඩිම පිරිසක් ලෙස ආසාදිතයින් 26 දෙනෙක් වත්තලින් වාර්තා වී ඇත.
මීට අමතරව රාගම, කැලණිය, කදාන, දිවුලපිටිය හා ජාඇළ යන ප්රදේශවලින් ද ආසාදිතයින් වැඩි වශයෙන් හමුව තිබේ.
මේ අතර ඊයේ දිනයේ දී දිස්ත්රික්ක 20 කින් ආසාදිතයින් 852ක් වාර්තා වී ඇත.
ඒ කළුතර 42ක්, මහනුවර 56ක්, ගාල්ල 34ක්, අම්පාර 14ක්, මාතර 35ක්, මන්නාරමේ 6ක්, නුවරඑළියේ 11ක්, හම්බන්තොට 7ක්, කුරුණෑගල 37ක්, පොළොන්නරුව 11ක්, මාතලේ 2ක්, පුත්තලම 8ක්, කෑගල්ලේ 10ක්, රත්නපුර 37ක්, මොනරාගල 3ක්, අනුරාධපුරයේ 36ක් හා මඩකලපුවෙන් හා බදුල්ලෙන් එක් ආසාදිතයා බැගිනි.
මේ අතර ඊයේ දිනයේ දී මෙරට සිදුකර ඇති පීසීආර් පරීක්ෂණ සංථඛ්යාව 19,420කි.
