කොවිඩ් එන්නතේ දෙවන මාත්රාව ලබාදීම අප්රේල් 19 වන දා සිට
ජනවාරි 29 වනදා කොවිඩ් එන්නතේ පළමු මාත්රාව ලබාගත් පුද්ගලයින් සඳහා එහි දෙවන මාත්රාව අප්රේල් මස 19 වනදා සිට ලබා දෙන බව රාජ්ය අමාත්ය වෛද්ය සුදර්ශනී ප්රනාන්දුපුල්ලේ මහත්මිය පැවසීය.
ඒ සඳහා එන්නත් තොග වෙන් කර ඇති බව රාජ්ය අමාත්යවරිය සඳහන් කළේය.
කොළඹ පැවති උත්සවයකින් අනතුරුව මාධ්ය වෙත අදහස් දක්වමින් වෛද්ය සුදර්ශනී ප්රනාන්දුපුල්ලේ මහත්මිය මේ බව සඳහන් කළාය.
වැඩිදුරටත් අදහස් දැක්වු අමාත්යවරිය,
“ජනවාරි 29 ලැබුණ අයට අප්රේල් 19 ඉදලා දෙවැනි මාත්රාව දෙන්න අපි වැක්සින් තියාගෙන ඉන්නවා. ගැටලුවක් නෑ. ඉන්දියාවෙන් තවත් ස්ටොක් එකක් ලැබීමට නියමිතයි. මාර්තු 31 චීනයෙන් ලැබෙන එන්නත් ප්රමාණය ලැබෙනවා. රුසියානු ස්පුට්නික් එන්නතත් අපි ඇනවුම් කරලා තියෙනවා. ඒවා ලැබෙයි. ලෝක සෞඛ්ය සංවිධානය වාර්තාවකින් කියලා තියෙනවා වැඩිදෙනෙකුට පළමු වාර්තාව දෙන එක වඩා හොඳයි ටික දෙනෙකුට දෙකම දෙනවට වඩා කියලා. මොකද වැක්සින් හිඟ නිසා. ලොකු අභියෝගයක් තියෙනවා වැක්සින් ලබාගන්න. ලංකාවේ ලොකු ජනගහනයක් නැති නිසා කරගන්න පුළුවන්.“
