එල්.ටී.ටී.ඊ සංවිධානයට අයත් අවි ආයුධ පාතාල කණ්ඩායම්වලට අලෙවි කිරීමේ චෝදනාවට රක්ෂිත බන්ධනාගාර ගත කර සිටි අපරාධ කල්ලි සාමාජික ගනේමුල්ල සංජීව ඇතුළු සැකකරුවන් 11 දෙනෙකු මුදාහැරීමට අධිකරණය නියෝග කර තිබේ.
අදාළ නඩුව අද (12) කොළඹ ප්රධාන මහෙස්ත්රාත් බුද්ධික.සී.රාගල මහතා හමුවේ කැඳවූ අවස්ථාවේ කොළඹ අපරාධ කොට්ඨාසය කියා සිටියේ සැකකරුවන්ට එරෙහිව නඩු පැවරීමට ප්රමාණවත් කරුණු ඉදිරිපත් වී නොමැති බැවින් ඔවුන් මුදා හරින ලෙස නීතිපතිවරයා විසින් උපදෙස් ලබා දී ඇති බවය.
එහිදී අදාළ සැකකරුවන් 11දෙනෙකු මුදාහරින ලෙස පොලීසිය අධිකරණයෙන් ඉල්ලීමක් කළ අතර එය පිළිගත් මහෙස්ත්රාත්වරයා ඔවුන් මුදාහැරීමට නියෝග කර තිබේ.
කෙසේවෙතත් සිද්ධියට සම්බන්ධ තවත් සැකකරුවන් සිව්දෙනෙකු තවදුරටත් රක්ෂිත බන්ධනාගාරගත කිරීමට මහෙස්ත්රාත්වරයා නියෝග කළ බව “අද දෙරණ“ අධිකරණ වාර්තාකරු සඳහන් කළේය.
