වැලිමඩ සිල්මියාපුර ප්‍රදේශයේ අතුරු මාර්ගයක ගමන් ගත් ත්‍රීරෝද රථයක් මාර්ගයෙන් ඉවතට ගොස් ප්‍රපාතයට පෙරළී පුද්ගලයින් සිව්දෙනෙක් තුවාල ලබා තිබේ.
ත්‍රීරෝද රථය මාර්ගයෙන් ඉවතට පැන අඩි 400ක පමණ ප්‍රපාතයකට පෙරළී ගොස් ඇතැයි “අද දෙරණ“ වාර්තාකරු පැවසීය.
සිල්මියාපුර ප්‍රදේශයේ ඥාති නිවසකට පැමිණි හපුතලේ ප්‍රදේශයේ පදිංචි එකම පවුලේ පිරිසක් එලෙස අනතුරට ලක්ව තිබේ.
තුවාල ලැබු පිරිස නුවර එළිය රෝහලට ඇතුළත් කර ඇත.
අනතුරින් වයස අවුරුදු 21,22, 56 හා 75 යන වයස්වල පුද්ගලයින් පිරිසක් තුවාල ලබා තිබේ.
ත්‍රීරෝද රථයේ ඇති වු කාර්මික දෝෂයක් හේතුවෙන් අනතුර සිදුවන්නට ඇතැයි වැලිමඩ පොලීසිය සිදුකළ මුලික විමර්ශනවලින් අනාවරණය වී තිබේ.
වැලිමඩ පොලීසිය වැඩිදුර පරීක්ෂණ පවත්වයි.
