මාතර අප ස්වාමිදුවගේ ජාතික සිද්ධස්ථානයේ වාර්ෂික මංගල්‍යය අද(12)උදෑසන ගාලු පදවි රදගුරු අති උතුම් රේමන්ඩ් වික්‍රමසිංහ රදගුරු හිමිපාණන් වහන්සේගේ ප්‍රධානත්වයෙන් මාතර අප ස්වාමිදුවගේ දේවස්ථානයේදී බැතිමතුන්ගේ සහභාගීත්වයෙන් තොරව මාතර සිද්ධස්ථානයේ පාලක පියතුමන් වන මයිකල් කෙරලින් පියතුමන් ඇතුළු පූජකතුමන්ලාගේ සහභාගීත්වයෙන් පවත්වන ලදී.
දකුණු පළාත් ගරු ආණ්ඩුකාරවර ආචාර්ය විලී ගමගේ මැතිතුමන්, ගරු රාජ්‍ය අමාත්‍ය කාංචන විජේසේකර මැතිතුමන්, හිටපු පළාත් සභා මන්ත්‍රී සරත් ද අල්විස් මැතිතුමන් මෙම අවස්ථාව සඳහා විශේෂ ආරාධිතයන් ලෙස සහභාගි වී සිටියහ.
