ලොව විශාලතම බහලුම් නෞකාව කොළඹ වරායට සේන්දු වෙයි

ලොව විශාලතම බහලුම් නෞකාව වන ‘EVER ACE’ නෞකාව ඊයේ (05) රාත්‍රියේ කොළඹ වරායට සේන්දුවී තිබේ.

කොළඹ වරාය ද ඇතුළුව, මෙම නෞකාවට ගමන් කළ හැක්කේ ලෝකයේම වරායවල් 24කට පමණක්වීම විශේෂත්වයකි.

වරාය අධිකාරිය දැනුම් දෙන්නේ  ‘EVER ACE’ නෞකාව කොළඹ වරාය වෙත පිවිසි මංගල ගමන ද මෙය බවය.

මෙය ශ්‍රී ලංකා වෙළෙඳ නාවික ඉතිහාසයේ සුවිශේෂි සන්ධිස්ථානයක් වන බවද වරාය අධිකාරිය පවසයි.