බෙංගාල බොක්ක ආශ්‍රිත රටවල බහු ආංශික තාක්ෂණික ආර්ථික සහයෝගිතාව සඳහා වන එකමුතුව හෙවත් බිම්ස්ටෙක් අමාත්‍ය මණ්ඩල රැස්වීම අද (29) පැවැත්වීමට නියමිතව තිබේ.
ශ්‍රී ලංකාවේ සභාපතිත්වයෙන් යුත් මෙවර බිම්ස්ටෙක් සමුළුව ඊයේ (28) කොළඹදී ආරම්භ වූ අතර සාමාජික රටවල විදේශ ලේකම්වරුන් ඊට සහභාගී වුණි.
බිම්ස්ටෙක් රටවල ඉහළ පෙළේ නියෝජිතයින් විසින් කලාපීය වැදගත්කම පිළිබඳ එහිදී සාකච්ඡා වූ බවයි විදේශ කටයුතු අමාත්‍යංශය සඳහන් කළේය.
ඊයේ පැවති ජ්‍යෙෂ්ඨ නිලධාරීන්ගේ රැස්වීම අවසානයේ බිම්ස්ටෙක්හි මීළඟ සභාපතිත්වය දැරීමට නියමිත තායිලන්තය වෙත ශ්‍රී ලංකාව විසින් සිය සභාපති ධුරය භාරදී තිබේ.
බිම්ස්ටෙක් රාජ්‍ය නායක සමුළුව හෙට (30) දිනයේ වීඩියෝ තාක්ෂණය ඔස්සේ පැවැත්වීමට නියමිතය.
