දිවයිනේ තැන් දෙකක මනුෂ්‍ය ඝාතන දෙකක් සිදුව ඇතැයි පොලීසිය පවසයි.
තංගල්ල පොලිස් වසමේ, මහවත්ත ප්‍රදේශයේ දී තියුණු ආයුධයකින් පහරදී පුද්ගලයෙකු ඝාතනය කර ඇති බවට තංගල්ල පොලීසියට තොරතුරක් ලැබී ඇත.
එලෙස මියගොස් ඇත්තේ, අවුරුදු 39ක් වු වැලිආර දකුණ, නෙටොල්පිටිය ප්‍රදේශයේ පදිංචිකරුවෙකි.
ඝාතනයට හේතුව මෙතෙක් අනාවරණය වී නොමැති අතර, ඝාතනය සම්බන්ධයෙන් සැකකරු අත්අඩංගුවට ගැනීමට තංගල්ල පොලීසිය වැඩිදුර විමර්ශන සිදුකරයි.
මේ අතර, අක්මීමන පොලිස් වසමේ නියාගම ජනපදය ප්‍රදේශයේ දී තියුණු ආයුධයකින් පහරදී කාන්තාවක් ඝාතනය කර තිබේ.
පොලීසිය පැවසුවේ එලෙස ඝාතනයට ලක්ව ඇත්තේ, අවුරුදු 58ක් වු නියාගම ජනපදය, අක්මීමන ප්‍රදේශයේ පදිංචිකාරියකි.
මෘත ශරීරය පොලිස් ආරක්ෂාව යටතේ සිද්ධිය සිදුවු ස්ථානයේ ම තබා ඇත.
අනියම් සම්බන්ධතාවයක් මත ආරවුලක් හේතුවෙන් මෙම ඝාතනය සිදුව ඇති බවට පොලීසිය කළ විමර්ශනයේ දී අනාවරණය වී ඇත.
සිද්ධිය සම්බන්ධයෙන් සැකකරු හඳුනාගෙන ඇති අතර, ඔහු මේ වනවිට පළා ගොස් තිබේ.
සැකකරුව අත්අඩංගුවට ගැනීමට පොලිස් පරීක්ෂණ ක්‍රියාත්මක කර ඇත.
