ලොරියකින් ඩීසල් ලීටර් 2,740ක් අරන් යද්දි මාට්ටු
අනාරක්ෂිතව නීතිවිරෝධී ලෙස ලොරි රථයකින් ඉන්ධන ප්‍රවාහනය කිරමින් සිටි තිදෙනෙකු කන්තලේ 87 ප්‍රදේශයේ දී අත්අඩංගුවට ගෙන ඇත.
ඊයේ (01) දහවල් කන්තලේ කොට්ටාඨාස අපරාධ විමර්ශන අංශයේ නිලධාරීන් විසින් සිදුකළ වැටලීමකදී එම සැකකරුන් අත්අඩංගුවට ගෙන තිබේ.
සැකකරුවන් සතුව තිබී ඩීසල් ලීටර් 2,740ක් පොලිස් භාරයට ගෙන ඇත.
මෙලෙස අත්අඩංගුවට ගෙන ඇත්තේ 48 සහ 27 හැවිරිදි වයසවල පසුවන කැකිරාව මැල්සිරිපුර හා ගොකරැල්ල ප්‍රදේශවල පදිංචිකරුවන්ය.
සැකකරුවන් අද (02) කන්තලේ මහෙස්ත්‍රාත් අධිකරණය වෙත ඉදිරිපත් කිරීමට නියමිතය.
කන්තලේ පොලීසිය වැඩිදුර විමර්ශන පවත්වයි.
