නොරොච්චෝලේ ලක්විජය බලාගාරයට ගල් අඟුරු ප්‍රසම්පාදනය සඳහා ලැබුණු අඩුම ලංසුවට ඊට අදාළ ටෙන්ඩරය ප්‍රදානය කර තිබේ.
පසුගිය 25 වනදා එම ටෙන්ඩර්ය ලබාදුන් බව විදුලිබල හා බලශක්ති අමාත්‍ය කංචන විජේසේකර මහතා සිය ට්විටර් ගිණූමේ සටහනක් තබමින් සඳහන් කළේය.
එම ටෙන්ඩර් නිකුත් කිරීම නියමිත ප්‍රසම්පාදන ක්‍රියාවලිය අනුගමය කරමින් සිදුකර ඇති බව අමාත්‍යවරයා පවසයි.
ගල් අඟුරු නැව්ගත කළ දිනයේ සිට සැපයුම්කරු මාස 06ක ණය පහසුකමක් ලබාදෙන බව වාර්තා වේ.
එමෙන්ම පුනර්ජනනීය බලශක්ති සැලසුම්වල ප්‍රගති සමාලෝචන රැස්වීමක් කංචන විජේසේකර අමාත්‍යවරයා සමග පවත්වා ඇත.
මේ අතර ඔක්ටේන් 92ක පෙට්‍රල් තොගයක් රැගත් නෞකාවක් අද (27) සහ 29 වැනිදා අතර දිනයක මෙරටට පැමිණෙනු ඇති බව අමාත්‍යවරයා පවසයි.
