මාලිමාවේ බොරු අද අතේ පත්තුවෙලා – හිටපු නියෝජ්ය කථානායක අජිත් රාජපක්ෂමාලිමා ආණ්ඩුවේ බොරු අද අතේ පත්තු වී ඇති බව පාර්ලිමේන්තුවේ හිටපු නියෝජ්ය කථානායක අජිත් රාජපක්ෂ මහතා ප්රකාශ කරයි.ඒ මහතා මේ බව ප්රකාශ කළේ පාර්ලිමේන්තු මහ මැතිවරණය වෙනුවෙන් හම්බන්තොට දිස්ත්රික්කයෙන් ගෑස් සිලින්ඩරයෙන් තරඟ වදින අපේක්ෂකයින්ට සහාය පළකිරීම සදහා පසුගියදා අබේසේකරගම, බිංකමථකටුවන ඇතුළු ප්රදේශ කිහිපයකම පැවති ප්රචාරක රැස්වීම්වලට සහභාගී වෙමිණි.තමන් බලය පැමිණි පසුව තෙල්වලින් විශාල බදු මුදලක් අඩුකරලා ජනතාවට සහාය ලබාදෙනා කිව්ව මාලිමා ආණ්ඩුව දැන් නිහඬයි.එපමණකද පාස්පෝට් පෝලිම තවම තියෙනවා. සහල් හිඟයක් ඇති වෙලා පොල් මිල අහස උසට නැගලා. මේ මේ වෙලාවේ රනිල් වික්රමසිංහ මහතා ජනාධිපති වෙලා හිටියනම් ජනතා විමුක්ති පෙරමුණ කොහොම විරෝධතා කරයිද?දැන් කියනවා වෘත්තීය සමිති විසුරුවා හරිනවා කියලා. ඒකෙන්ම පේනවා, බලය ලබාගන්න ජනතා විමුක්ති පෙරමුණ කොච්චර බොරු කිව්වද කියලා.අපේ ආණ්ඩුව තියෙනකොට ගුරුවරු, සෞඛ්ය කාර්යය මණ්ඩල, ප්රවාහනය ඇතුළු රජයේ විවිධ ක්ෂේත්රවල දිගටම විරෝධතා, වැැඩ වර්ජන දියත් කළේ බලය ලබාගැනීමේ පටු අරමුණෙන් බව දැන් රටට පැහැදිලි වෙලා”යනුනේද පාර්ලිමේන්තුවේ හිටපු නියෝජ්ය කථානායක අජිත් රාජපක්ෂ මහතා වැඩිදුරටත් ප්රකාශ කළේය.
