ඌරගස්මංහන්දිය, හබුරුගල, චූලබෝධි විහාරස්ථානයේ දී පැවැත්වුණු බෙන්තොට සමූපකාර සමිතියේ නිලවරණය අතරතුර, පාර්ශ්ව දෙකක් අතර ඇති වූ ගැටුමක් හේතුවෙන් තිදෙනෙකු තුවාල ලබා රෝහල්ගත කර ඇති බව ඌරගස්මංහන්දිය පොලිසිය වාර්තා කරයි.මෙම ගැටුම ජාතික ජන බලවේගයේ ආධාරකරුවන් සහ ස්වාධීන ඒකාබද්ධ කණ්ඩායමේ ආධාරකරුවන් අතර ඇති වූවක් බවට හඳුනාගෙන ඇත.පොලිසියට අනුව, තුවාල ලැබූවන් අතර ජාතික ජන බලවේගයේ ආධාරකරුවන් දෙදෙනෙකු සහ ස්වාධීන ඒකාබද්ධ කණ්ඩායමේ ආධාරකරුවෙකු ද වෙති.ගැටුමට සම්බන්ධ 23 හැවිරිදි තරුණයෙකු අත්අඩංගුවට ගෙන ඇති අතර, ඔහු ස්වාධීන ඒකාබද්ධ කණ්ඩායමේ ආධාරකරුවෙකු බවට තහවුරු වී ඇත. මෙම සැකකරු හබුරුගල ප්රදේශයේ පදිංචිකරුවෙකි.සිද්ධිය සම්බන්ධයෙන් ඌරගස්මංහන්දිය පොලිසිය වැඩිදුර විමර්ශන පවත්වයි.
