බස් ප්‍රමුඛතා මංතීරු නීතිය අද සිට දැඩිව ක්‍රියාත්මක කරන බව රථවාහන පාලන සහ මාර්ග ආරක්ෂණ කොට්ඨාසයේ අධ්‍යක්ෂ ජ්‍යෙෂ්ඨ පොලිස් අධිකාරී මනෝජ් රණගල ප්‍රකාශ කළා.
එමෙන්ම කොළඹ නගරය පුරා මෙට්‍රෝ බස් සේවාව අද සිට ක්‍රියාත්මක කරන බවයි මෙට්‍රෝ බස් සමාගමේ සභාපති එස්.එම්.පී. තිලකරත්න කියා සිටියේ.
රථවාහන පාලන සහ මාර්ග ආරක්ෂණ කොට්ඨාසයේ අධ්‍යක්ෂ ජ්‍යෙෂ්ඨ පොලිස් අධිකාරී මනෝජ් රණගල කියා සිටියේ උදෑසන 6 සිට උදෑසන 9 දක්වා එක් දිශාවකටත්, පස්වරු 4 සිට 7 දක්වා අනෙක් දිසාවටත් මාර්ගයේ ඇති මංතීරු තුනෙන් එක් මංතීරුවක් පොදු ප්‍රවාහන බස් රථ සඳහා වෙන් කිරීමට කටයුතු කර ඇති බවයි.
එමෙන්ම කොළඹ නගරයේ රථවාහන තදබදයට විසඳුමක් සහ ජනතාවට සුවපහසු ප්‍රවාහන සේවාවක් තහවුරු කිරීමේ අරමුණින්, ආනයනය කළ මෙට්‍රෝ බස් රථ 114 ක් අද සිට ධාවනයට එක්කෙරෙනවා.
