අඩු වයසින් මහාචාර්යවරයෙක් වූ විශිෂ්ඨයෙක්ගේ නික්ම යෑම
ශ්‍රී ජයවර්ධනපුර විශ්වවිද්‍යාලයේ සිංහල සහ ජන සන්නිවේදන අධ්‍යයන අංශයේ හිටපු අංශ ප්‍රධානී අභාවප්‍රාප්ත මහාචාර්ය ධම්මික ගංගානාත් දිසානායක මහතා ගේ දේහය පිළිබඳ අවසන් කටයුතු අද (13) සවස බොරැල්ල කනත්තේ දී සිදු කිරීමට නියමිතය.
මේ වනවිට කොට්ටාව සම්බුද්ධි වත්ත පිහිටි ඒ මහතාගේ නිවසේ තැන්පත්කර ඇති අතර ඔහුට අවසන් බුහුමන් දැක්වීමට බොහෝ පිරිසක් පැමිණ සිටි බව “අද දෙරණ“ වාර්තාකරු පැවසීය.
ශ්‍රී ජයවර්ධනපුර විශ්ව විද්‍යාලයේ සිංහල හා ජනසන්නිවේදන අධ්‍යයන අංශයේ හිටපු අංශ ප්‍රධානී මහාචාර්ය ධම්මික ගංගානාත් දිසානායක මහතා පසුගිය 11 වන දා පස්වරුවේ අභාවප්‍රාප්ත විය.
1967 වසරේදී උපත ලද මහාචාර්ය ධම්මික ගංගානාත් දිසානායක මහතා දේශීය මෙන්ම විදේශීය විශ්ව විද්‍යාල කිහිපයක අධ්‍යාපනය හදාරා තිබේ.
කලක් ජපානයේ ශ්‍රී ලංකා තානාපතිවරයා වශයෙන් ද කටයුතු කළ ඒ මහතා ජාතික රූපවාහිනි සංස්ථාවේ සභාපතිවරයා ලෙසද කටයුතු කළේය.
