ජාත්‍යන්තර මූල්‍ය අරමුදලේ වාර්තාව සම්බන්ධයෙන් අප්‍රේල් පළමු සතියේ පාර්ලිමේන්තුව රැස්වන අවස්ථාවේදී විවාදයක් පැවැත්වීමට රජය තීරණය කර තිබේ.
ආණ්ඩු පක්ෂයේ ප්‍රධාන සංවිධායක අමාත්‍ය ජොන්ස්ටන් ප්‍රනාන්දු මහතා මේ බව දැනුම් දී ඇත.
මේ අතර අද (27) උදෑසන නිවේදනයක් නිකුත් කරමින් එක්සත් ජාතික පක්ෂ නායක රනිල් වික්‍රමසිංහ මහතා සඳහන් කර සිටියේ, ජාත්‍යන්තර මුල්‍ය අරමුදලේ වාර්තාව සම්බන්ධයෙන් වහාම පාර්ලිමේන්තු විවාදයක් පැවැත්වීමට කටයුතු කළ යුතු බවය.
රනිල් වික්‍රමසිංහ මහතා වැඩිදුරටත් පවසා ඇත්තේ, ජාත්‍යන්තර මුල්‍ය අරමුදලේ වාර්තාව සම්බන්ධයෙන් රජය සිය සැලැස්ම ඉදිරිපත් කිරීම අතිශය වැදගත් බවය.
මේ අතර, සමගි ජන බලවේගයේ පාර්ලිමේන්තු මන්ත්‍රී ලක්ෂ්මන් කිරිඇල්ල මහතා වීඩියෝවක් නිකුත් කරමින් සඳහන් කර සිටියේ, IMF වාර්තාව සම්බන්ධයෙන් වහාම පක්ෂ නායක රැස්වීමක් කැඳවා පාර්ලිමේන්තු විවාදයක් පවත්වන ලෙස කථානායකවරයාගෙන් ඉල්ලූ බවය.
එමෙන්ම එළැඹෙන අප්‍රේල් මස 5 වන දින ආරම්භ වන පාර්ලිමේන්තු සතියේ එක්දිනයක් එම පැවැත්වීමට ලබාදෙන ලෙස කථානායකවරයාගෙන් ඉල්ලු බව ද ලක්ෂ්මන් කිරිඇල්ල මහතා සඳහන් කළේය.
