ශ්රී ලංකාවේ ඇමෙරිකානු තානාපති ජූලි චංග් සිය සේවය නිමකොට ඇමරිකාව බලා පිටත්ව ගියේ පසුගිය(16) දිනයේදීය . ඇය පිටත්ව යාමට දිනකට පෙර එනම් පසුගිය (15 වෙනිදා) දිවා ආහාරය ලබාගත්තේ එක්සත් ජාතික පක්ෂයේ ප්රබලයෙකු සමග වීම විශේෂත්වයක්. එම ප්රබලයා එක්සත් ජාතික පක්ෂයේ සභාපති, හිටපු පාර්ලිමේන්තු මන්ත්රි වජිර අබේවර්ධනයි. එදින දහවල් 12.30ට පමණ ඇමරිකානු තානාපතිනිය රැගත් වාහනය කොළඹ විශ්වවිද්යාලයේ කොලේජ් හවුස් ආසන්නයේ පිහිටි රැජින පාරේ පිහිටා ඇති වජිර අබේවර්ධනගේ නිවසට ළඟා වුණා.ජුලි චංග්, වජිර සහ පවුලේ සාමාජිකයින් සමග දිවා ආහාරය ලබාගැනීම ද විශේෂත්වයක්. පැය 2 කට ආසන්න කාලයක් වජිරගේ නිවසේ ගත කළ ඇමෙරිකානු තානාපතිනිය වජිර සමග වර්තමාන දේශපාලන තත්ත්වය ගැනද සාකච්ඡා කිරීමට ද අමතක කළේ නැහැ. හිටපු ජනාධිපති, එක්සත් ජාතික පක්ෂයේ නායක රනිල් වික්රමසිංහගේ සහ එක්සත් ජාතික පක්ෂයේ ඉදිරි දේශපාලන කටයුතු සම්බන්ධයෙන්ද මෙහිදී සාකච්ඡා වී තිබෙනවා.
