රැකියා වෙළෙඳපොළට ගැළපෙන අයුරින් මෙරට අධ්යාපන ක්රමය ප්රතිසංස්කරණය වියයුතු බව ජනාධිපති ගෝඨාභය රාජපක්ෂ මහතා පවසයි.
අද (26) පෙරවරුවේ අරලියගහ මන්දිරයේ පැවති වැඩසටහනකට එක්වෙමින් ජනාධිපතිවරයා මේ බව අවධාරණය කළේය.
අධ්යාපන පද්ධතියේ ප්රතිසංස්කරණ සඳහා මහජන මතය ලබා ගැනීමේ ඩිජිටල් වේදිකාවක් සැකසීමේ සමාරම්භක උත්සවය අද පෙරවරුවේ අරලියගහ මන්දිරයේදී ජනාධිපති ගෝඨාභය රාජපක්ෂ මහතාගේ ප්රධානත්වයෙන් පැවැත් වුණි.
“අධ්යාපනය කියන්නේ අපිට පරීක්ෂණ කරන්න පුළුවන් ක්ෂේත්රයක් නෙමෙයි. ඒ නිසා ඒක හැදුවට පස්සේ වෙනත් අයට ඒක මාරු කරන්න බැරිවෙන විදිහට තිරසාර විදිහකට අපි මේක කරන්නට ඕනේ. ඒ නිසා සියලු පාර්ශ්වවල අදහස් ලබාගැනීම ඉතා වැදගත්. අලුතෙන් ඇතිවෙන වෘත්තීන්වලට ගැලපෙන කුසලතාවලින් පිරිපුන් ශ්රම බලකායක් අපේ අධ්යාපනය තුළින් බිහිවෙනවාද කියන සැකයක් ඇති වෙනවා. එක පැත්තකින් විශාල රැකියාවල අවශ්යතාවයක් තියෙනවා. අනෙක් පැත්තෙන් රැකියාවලට ඉල්ලුමක් තියෙනවා. නමුත් මේ දෙක ගැලපෙන්නේ නෑ. මේ ගැලපීම අපි හරි විදිහට කරන්නට ඕනේ,” යනුවෙන් එම අවස්ථාවට එක් වූ ජනාධිපතිවරයා පවසා සිටියේය.
