නවගමුව – සුදවිල ප්රදේශයේ දී ලොරි රථයකට යටවී කාන්තාවක් බරපතළ තුවාල ලබා නවගමුව රෝහලට ඇතුළත් කිරීමේදී මියගොස් ඇත.
මෙලෙස මියගොස් ඇත්තේ 66 හැවිරිදි රනාල ප්රදේශයේ පදිංචිව සිටි කාන්තාවකි.
ලොරි රථයේ රියදුරු එම කාන්තාවගේ බෑණා වන බව පොලීසිය පවසයි.
ඊයේ උදෑසන මියගිය කාන්තාව වෙත කෑම පාර්සලයක් ලබාදීම සඳහා බෑණා ලොරි රථයෙන් පැමිණ තිබුණි.
පසුව ලොරි රථයේ සිටම ආහාර පාර්සලය ලබාදී ඉදිරියට ලොරිය ධාවනය කිරීමේ දී එම අනතුර සිදුව ඇත.
මියගිය කාන්තාව මාර්ගය හරහා ගමන් කරමින් සිටිය දී පය ලිස්සා මාර්ගයේ ඇද වැටී ඇති අතර එම අවස්ථාවේ දී ලොරියේ වම් රෝදයට යට වී අනතුර සිදුව ඇතැයි අනාවරණය වුණි.
අනතුර සම්බන්ධයෙන් ලොරි රථයෙන් රියදුරු අත්අඩංගුවට ගෙන ඇති අතර නවගමු පොලීසිය වැඩිදුර විමර්ශන සිදුකරයි.
