අමෙරිකාවේ ඇලස්කා ප්රාන්තයේ දුෂ්කර ප්රදේශයක සිදු වූ ගුවන් අනතුරකින් පුද්ගලයින් අට දෙනෙකු ජීවිතක්ෂයට පත්ව තිබේ.
හමුදා රේඩාර් මධ්යස්ථානයක් අසලට ළඟා වෙමින් තිබියදී මෙම ගුවන් යානය කඩා වැටී ඇති බව එරට හමුදාව පවසා ඇතැයි විදෙස් මාධ්ය වාර්තා කර ඇත.
අමෙරිකාවේ අලස්කා ප්රාන්තයේ කේප් නිව්හැම් රේඩාර් මධ්යස්ථානය අසලට ළඟා වෙමින් තිබූ මෙම ගුවන් යානය අනතුරට ලක් වීමෙන් එහි ගමන් කළ පුද්ගලයින් අට දෙනාම ජීවිතක්ෂයට පත්ව ඇතැයි සදහන් වේ.
ඇන්කරේජ් නගරයේ සිට කේප් නිව්එන්හැම් වෙත පියාසර කරමින් තිබූ ‘Cessna 441’ වර්ගයේ මෙම යානය බ්රහස්පතින්දා දහවල් 12.15 ට පමණ ගමනාන්තය ආසන්නයේදී අනතුරට ලක්ව ඇති බව ෆෙඩරල් ගුවන් සේවා පරිපාලනය (FAA) සහ CNN පුවත් සේවය වාර්තා කරයි.
ජාතික ප්රවාහන ආරක්ෂණ මණ්ඩලයේ (NTSB) ඇලස්කා කලාප ප්රධානී ක්ලින්ට් ජොන්සන් සඳහන් කර ඇත්තේ, මෙම සිවිල් කොන්ත්රාත් ගුවන් ගමන සඳහා නියමුවන් දෙදෙනෙකු සහ මගීන් හය දෙනෙකු ඇතුළත්ව සිටි බවයි. කේප් නිව්එන්හැම් ගුවන් තොටුපළ ආසන්නයේ පිහිටි, දිගු දුර රේඩාර් මධ්යස්ථානයකට ප්රවේශය සපයන ගුවන් හමුදා ගුවන් පථය ආසන්නයේදී මෙම කඩා වැටීම සිදුව ඇති අතර, සෙවීම් සහ ගලවා ගැනීමේ කණ්ඩායම් විසින් යානයේ සිටි කිසිවෙකුත් දිවි ගලවාගෙන නොමැති බව පසුව තහවුරු කර ඇත.
අනතුරට හේතුව මෙතෙක් අනාවරණය වී නොමැති අතර, සිද්ධිය සම්බන්ධයෙන් පරීක්ෂණ ආරම්භ කිරීමට නියමිතය.
